Gaddar: తెలంగాణ ఎంపీలకు గద్దర్ డిమాండ్
ABN, First Publish Date - 2022-12-06T12:34:43+05:30
నూతన పార్లమెంట్ భవనానికి బాబాసాహెబ్ బీఆర్ అంబేద్కర్ పేరు పెట్టాలని చర్చ చేయాల్సిందిగా తెలంగాణ ఎంపీలను ప్రజాగాయకుడు గద్దర్ డిమాండ్ చేశారు.
హైదరాబాద్: నూతన పార్లమెంట్ భవనానికి బాబాసాహెబ్ బీఆర్ అంబేద్కర్ పేరు పెట్టాలని చర్చ చేయాల్సిందిగా తెలంగాణ ఎంపీల (Telangana MPs)ను ప్రజాగాయకుడు గద్దర్ (Gaddar) డిమాండ్ చేశారు. అంబేద్కర్ వర్ధంతి సందర్భంగా ట్యాంక్ బండ్ అంబేద్కర్ విగ్రహం వద్ద గద్దర్ నివాళులర్పించారు. ఈ సందర్భంగా ఆయన మాట్లాడుతూ... నూతన పార్లమెంట్‌కు అంబేద్కర్ పేరు పెట్టాలని డిమాండ్ కేసీఆర్ (Telangana CM KCR) తన ఎజెండాలో చేర్చాలన్నారు. ఎస్సీ, ఎస్టీ, బీసీ, మైనార్టీ ఆఫీసర్లు, ఉద్యోగులు ఈ డిమాండ్‌కు మద్దతు తెలపాలని కోరారు. నూతన పార్లమెంట్ భవనానికి అంబేద్కర్ పేరు పెట్టలనేది సాంస్కృతిక ఉద్యమమని.. దీన్ని ఎవరూ ఆపలేరని గద్దర్ స్పష్టం చేశారు.
Updated Date - 2022-12-06T12:34:44+05:30 IST