Draupadi Murmu: యాదాద్రి లక్ష్మీనరసింహస్వామిని దర్శించుకున్న రాష్ట్రపతి
ABN, First Publish Date - 2022-12-30T10:08:27+05:30
ఐదవ రాష్ట్రపతిగా ద్రౌపది ముర్ము శుక్రవారం ఉదయం యాదగిరిగుట్ట లక్ష్మీనరసింహ స్వామిని దర్శించుకున్నారు.
యాదాద్రి: ఐదవ రాష్ట్రపతిగా ద్రౌపది ముర్ము (President Draupadi Murumu) శుక్రవారం ఉదయం యాదగిరిగుట్ట లక్ష్మీనరసింహ స్వామిని దర్శించుకున్నారు. యాదగిరిగుట్ట లక్ష్మీనరసింహ స్వామి ఆలయం (Yadadri Temple) పునర్నిర్మాణమయ్యాక రాష్ట్రపతి మొదటిసారిగా ఆలయానికి వచ్చారు. ఈ సందర్భంగా రాష్ట్రపతికి ఆలయ పండితులు పూర్ణకుంభ స్వాగతం పలికారు. అనంతరం స్వయంభువు లక్ష్మీ నరసింహస్వామి వారిని ద్రౌపది ముర్ము దర్శించుకున్నారు. స్వామివారికి ప్రత్యేక పూజలు చేశారు. సంకల్పం, సువర్ణపుష్పార్చన పూజల అనంతరం రాష్ట్రపతికి ఆలయ పండితులు చతుర్వేద ఆశీర్వచనం అందజేశారు. ఆపై ప్రధాన ఆలయ పరిసరాలను రాష్ట్రపతి ద్రౌపది ముర్ము పరిశీలించారు.
Updated Date - 2022-12-30T10:10:52+05:30 IST