palvai sravanthi: ఆ రెండు పార్టీలు వాతావరణాన్ని ఉద్రిక్తం చేసేందుకు యత్నిస్తున్నాయి
ABN, First Publish Date - 2022-11-03T13:57:44+05:30
మునుగోడు ఉప ఎన్నికలో ఇప్పటి వరకు దాదాపు యాభై శాతం పోలింగ్ నమోదు అయినట్లు తెలుస్తోందని కాంగ్రెస్ అభ్యర్థి పాల్వాయి స్రవంతి తెలిపారు.
నల్గొండ: మునుగోడు ఉప ఎన్నిక (Munugodu by poll)లో ఇప్పటి వరకు దాదాపు యాభై శాతం పోలింగ్ నమోదు అయినట్లు తెలుస్తోందని కాంగ్రెస్ అభ్యర్థి పాల్వాయి స్రవంతి (Palvai sravathi) తెలిపారు. గురువారం మునుగోడు మండల కేంద్రంలో మీడియాతో మాట్లాడుతూ... రెండు అధికార పార్టీలు వాతావరణాన్ని ఉద్రిక్తం చేసేందుకు యత్నిస్తున్నాయని అన్నారు. ప్రజాస్వామ్యంలో ప్రజలు స్వేచ్ఛగా ఓటు వేసి నేతను ఎన్నుకునే అవకాశం ఉండాలన్నారు. ఓటర్లను భయాందోళనకు గురిచేయడాన్ని తీవ్రంగా ఖండిస్తున్నామన్నారు. నాన్‌లోకల్స్ గ్రామాల్లో తిరగడంపై అభ్యంతరం వ్యక్తం చేశారు. డబ్బు పంచే విషయాన్ని ఈసీ దృష్టికి తీసుకెళ్లామని పాల్వాయి స్రవంతి (Congress candidate) పేర్కొన్నారు.
Updated Date - 2022-11-03T14:03:11+05:30 IST