TS News: పోలీస్ వాహనాన్నే కొట్టేసిన దొంగ
ABN, First Publish Date - 2022-12-15T11:17:15+05:30
జిల్లాలో ఓ దొంగ ఏకంగా పోలీస్ వాహనాన్నే చోరీ చేసేందుకు యత్నించి పోలీసులకు చిక్కాడు.
సూర్యాపేట: జిల్లాలో ఓ దొంగ ఏకంగా పోలీస్ వాహనాన్నే చోరీ చేసేందుకు యత్నించి పోలీసులకు చిక్కాడు. సూర్యాపేట పట్టణ పోలీస్ స్టేషన్ చెందిన TS 09 PA 0658 పోలీస్ వాహనం కొత్తబస్టాండ్ వద్ద చోరీకి గురైంది. గురువారం తెల్లవారు జామున 5 గంటలకు ఈ ఘటన చోటు చేసుకుంది. గస్తీ విధులు నిర్వహిస్తున్న పోలీసులు వేరే కేసు కోసం వాహనాన్ని నిలిపివెళ్లగా దుండగుడు చోరీ చేశారు. ఆ సమయంలో వాహనానికి తాళం ఉండడంతో దుండగుడు తీసుకెళ్లిపోయాడు. వెంటనే అప్రమత్తమైన పోలీసులు... దుండగుడి కోసం గాలించి కోదాడ వద్ద అదుపులోకి తీసుకున్నారు. వాహనాన్ని స్వాధీనం చేసుకున్నారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
Updated Date - 2022-12-15T11:17:16+05:30 IST