Praja Sangrama Yatra: బండి సంజయ్ సభకు వస్తుండగా నడ్డా విమానంలో సాంకేతిక లోపం
ABN, First Publish Date - 2022-12-15T17:08:07+05:30
బండి సంజయ్ కరీంనగర్‌లో నిర్వహిస్తోన్న 5వ విడత ప్రజాసంగ్రామయాత్ర ముగింపు సభలో పాల్గొనేందుకు జేపీ నడ్డా ....
హైదరాబాద్: బీజేపీ (BJP) జాతీయ అధ్యక్షుడు జేపీ నడ్డా (JP Nadda) ప్రయాణిస్తున్న విమానంలో సాంకేతిక లోపం తలెత్తింది. దీంతో కర్ణాటకలోని విద్యానగర్‌‌కు ఆయన విమానాన్ని మళ్లించారు. విమానంలో సాంకేతిక లోపం తలెత్తడం వల్లే విమానం కర్ణాటకకు మళ్లించినట్లు ఎయిర్ పోర్ట్ వర్గాలు తెలిపాయి. వాస్తవానికి తెలంగాణ బీజేపీ అధ్యక్షుడు బండి సంజయ్ (Bandi Sanjay) కరీంనగర్‌లో నిర్వహిస్తోన్న 5వ విడత ప్రజాసంగ్రామయాత్ర( Praja Sangrama Yatra) ముగింపు సభలో పాల్గొనేందుకు జేపీ నడ్డా వస్తున్నారు. ఈ తరుణంలో విమానంలో సాంకేతిక లోపం ఏర్పడింది. నడ్డా విమానం శంషాబాద్ విమానాశ్రయానికి నాలుగున్నరకు చేరుకుంది. దీంతో అంతా ఊపిరిపీల్చుకున్నారు. శంషాబాద్ విమానాశ్రయం నుంచి ఆయన కరీంనగర్‌కు బయలుదేరారు.
మరోవైపు కరీంనగర్‌ ఎస్ఆర్ఆర్ కాలేజీ గ్రౌండ్స్‌లో 5వ విడత ప్రజాసంగ్రామయాత్ర ముగింపు సభ జరుగుతోంది. కమలనాథులు ఒక్కొకరుగా ప్రసంగిస్తున్నారు. సభకు బీజేపీ కార్యకర్తలు పెద్ద ఎత్తున తరలివచ్చారు.
Updated Date - 2022-12-15T17:22:25+05:30 IST