CBN: చంద్రబాబు సంఘీభావ యాత్రకు వస్తున్న ఐటీ ఉద్యోగులకు హోటల్ బంపరాఫర్..
ABN, First Publish Date - 2023-09-24T15:39:21+05:30
మాజీ ముఖ్యమంత్రి, టీడీపీ అధినేత నారా చంద్రబాబు నాయుడు అక్రమ అరెస్టును ఖండిస్తు అన్ని రంగాల ప్రజలు నిరసన తెలుపుతున్నారు. ఇప్పటికే వివిధ రాష్ట్రాల్లోని ఐటీ నిపుణులు, ఉద్యోగులు సీఎం జగన్ కి వ్యతిరేకంగా నిరసన తెలుపుతున్నారు. ఇదే క్రమంలో హైదరాబాద్ సాఫ్ట్ వేర్ రంగ నిపుణులు హైదరాబాద్ నుంచి రాజమండ్రికి సంఘీభావ యాత్రలో పాల్గొనడానికి తరలి వస్తున్నారు. వారి కోసం ఓ హోటల్ ఓనర్ ఫుడ్ పై ఏకంగా 50 శాతం రాయితీ ప్రకటించారు.
సూర్యాపేట: మాజీ ముఖ్యమంత్రి, టీడీపీ అధినేత నారా చంద్రబాబు నాయుడు(Chandra babu Naidu) అక్రమ అరెస్టును ఖండిస్తూ అన్ని రంగాల ప్రజలు నిరసన తెలుపుతున్నారు. ఇప్పటికే వివిధ రాష్ట్రాల్లోని ఐటీ నిపుణులు, ఉద్యోగులు సీఎం జగన్(CM Jagan) కి వ్యతిరేకంగా నిరసన తెలుపుతున్నారు. ఇదే క్రమంలో హైదరాబాద్ సాఫ్ట్ వేర్(IT Employees) రంగ నిపుణులు హైదరాబాద్ నుంచి రాజమండ్రికి సంఘీభావ యాత్రలో పాల్గొనడానికి తరలి వస్తున్నారు. వారి కోసం ఓ హోటల్ ఓనర్ ఫుడ్ పై ఏకంగా 50 శాతం రాయితీ ప్రకటించారు. ఐటీ ఉద్యోగులకు సదరు హోటల్ సమాచారం ఇప్పటికే వెళ్లింది.
అందులో ఉన్న వివరాల ప్రకారం.. 'సంఘీభావ యాత్రకు వస్తున్న వారికి హోటల్ లిటిల్ విలేజ్( hotel little village) విన్నపం. చంద్రబాబు అక్రమ అరెస్టును ఖండించడానికి వస్తున్న మీ అందరికీ స్వాగతం. మీరంతా మా హోటల్ లో 50 శాతం సబ్సిడీతో ఏదైనా ఫుడ్ తినవచ్చు. ఈ ఆఫర్ హోటల్ పబ్లిసిటీ కోసం పెట్టలేదు. బాబుకు న్యాయం జరగాలని.. ఆయనపై ఉన్న గౌరవంతో పెట్టాం. మా హోటల్ హైదరాబాద్ నుండి విజయవాడ రూట్లో సూర్యాపేటకు (Suryapeta)10 km ముందు వస్తుంది. ఖమ్మం కొత్త బైపాస్ కి ఒక కిలో మీటర్ దూరంలో ఉంది. బ్రేక్ ఫాస్ట్, లంచ్, డిన్నర్ ఇలా అన్ని రకాల ఫుడ్ ఐటెమ్స్ అందుబాటులో ఉన్నాయి. మీరంతా ఇక్కడ వచ్చి భోజనం చేయవచ్చు' అని ఉంది. ఈ వార్త సోషల్ మీడియాలో వైరల్ గా మారింది.
Updated Date - 2023-09-24T15:39:39+05:30 IST