Janasena: పొత్తులు రాష్ట్ర ప్రజల భవిష్యత్తు కోసమే: మనోహర్
ABN, First Publish Date - 2023-05-13T21:34:44+05:30
వచ్చే ఎన్నికల్లో పొత్తులు కేవలం వ్యక్తి ప్రయోజనాల కోసం కాదని, రాష్ట్ర ప్రజల భవిష్యత్తు కోసం, రాష్ట్ర అభివృద్ధి కోసమని జనసేన రాజకీయ వ్యవహారాల కమిటీ ఛైర్మన్‌ నాదెండ్ల మనోహర్...
తెనాలి: వచ్చే ఎన్నికల్లో పొత్తులు కేవలం వ్యక్తి ప్రయోజనాల కోసం కాదని, రాష్ట్ర ప్రజల భవిష్యత్తు కోసం, రాష్ట్ర అభివృద్ధి కోసమని జనసేన రాజకీయ వ్యవహారాల కమిటీ ఛైర్మన్‌ నాదెండ్ల మనోహర్ (Nadendla Manohar) స్పష్టం చేశారు. శనివారం గుంటూరు జిల్లా తెనాలిలో ఇటీవల కురిసిన వర్షాలకు పంట దెబ్బతిన్న పొలాలను పరిశీలించారు. ఈ సందర్భంగా ఆయన మాట్లాడుతూ, రాష్ట్ర హితం కోసం, మన భవిష్యత్‌ కోసం ప్రభుత్వం మారాల్సిన అవసరం ఉందన్నారు. ఇటీవల టీడీపీ అధినేత చంద్రబాబు (Chandrababu), జనసేన అధినేత పవన్‌కల్యాణ్ (Pawan Kalyan) కలసి మాట్లాడిన సందర్బంలో కూడా పదవులు, సీట్ల విషయంపై ఏమీ మాట్లాడలేదని, వారు రాష్ట్ర హితం కోరే జగన్‌ సర్కారు మార్పు ఆవశ్యకతపై చర్చించారని తెలిపారు. ఈ మూడున్నరేళ్లలో రాష్ట్రాన్ని జగన్‌ సర్కారు అంధకారంలోకి నెట్టిందని దుయ్యబట్టారు. చీకట్ల నుంచి వెలుగులోకి తీసుకురావలసిన అవసరం తమపై ఉందన్నారు. అవినీతి లేని పాలన తమ లక్ష్యమని ప్రకటించారు. వచ్చే ఎన్నికల్లో పొత్తులు, ఎన్నికల వ్యూహాన్ని ప్రజలముందుంచిన తర్వాతే నిర్ణయం తీసుకుంటామని, వారి నిర్ణయమే తమకు శిరోధార్యమని మనోహర్ స్పష్టం చేశారు.
Updated Date - 2023-05-13T21:34:44+05:30 IST