Anantapuram: సొంత అక్క బావలపైనే హత్యాయత్నం..
ABN, First Publish Date - 2023-06-18T10:41:55+05:30
అనంతపురం జిల్లా: తాడిపత్రి రూరల్ పరిధిలోని చుక్కలూరు రోడ్‌లో ఉన్న శ్రీనిధి నల్ల బండల ఫ్యాక్టరీలో నిద్రిస్తున్న భార్య, భర్తతో పాటు, మరో యువతిపై పెట్రోల్ పోసి దుండగుడు నిప్పంటించాడు.
అనంతపురం జిల్లా: తాడిపత్రి రూరల్ పరిధిలోని చుక్కలూరు రోడ్‌లో ఉన్న శ్రీనిధి నల్ల బండల ఫ్యాక్టరీలో నిద్రిస్తున్న భార్య, భర్తతో పాటు, మరో యువతిపై పెట్రోల్ పోసి దుండగుడు నిప్పంటించాడు. ఈ ఘటనలో ముగ్గురూ తీవ్రంగా గాయపడడంతో వారిని ప్రభుత్వ ఆసుపత్రికి తరలించారు. నల్లపరెడ్డి, సరస్వతిలతో పాటు, పూజిత అనే మరో యువతికి తీవ్ర గాయాలయ్యాయి. వారి పరిస్థితి విషమంగా ఉండడంతో మెరుగైన చికిత్స నిమిత్తం కర్నూలు ఆసుపత్రికి తరలించారు.
సొంత అక్క బావలపైనే రమేష్ రెడ్డి పెట్రోల్ పోసి నిప్పటించాడు. రమేష్ రెడ్డి మద్యానికి బానిస కావడంతో బావ నల్లపురెడ్డి మందలించారు. దీంతో కోపం పెంచుకున్న రమేష్ రెడ్డి వారు నిద్రిస్తున్న సమయంలో పెట్రోల్ పోసి నిప్పటించాడు. సమాచారం అందుకున్న పోలీసులు సంఘటన ప్రదేశానికి చేరుకుని కేసు నమోదు చేసి దర్యాప్తు చేపట్టారు. పూర్తి సమాచారం అందవలసి ఉంది.
Updated Date - 2023-06-18T10:41:55+05:30 IST