Chandrababu: నా నియోజకవర్గానికి కూడా నేను వెళ్లొద్దా? పోలీసులపై ఫైర్‌
ABN, First Publish Date - 2023-01-04T17:32:27+05:30
టీడీపీ అధినేత, ఏపీ మాజీ సీఎం చంద్రబాబు (Chandrababu) కుప్పం పర్యటనలో హైటెన్షన్‌ మొలైంది.
కుప్పం, చిత్తూరు: టీడీపీ అధినేత, ఏపీ మాజీ సీఎం చంద్రబాబు (Chandrababu) కుప్పం పర్యటనలో హైటెన్షన్‌ మొలైంది. పోలీసుల (police) తీరుపై చంద్రబాబు తీవ్ర ఆగ్రహం వ్యక్తం చేశారు. పోలీసులు నోటీసులు ఎందుకిస్తున్నారో చెప్పాలని చంద్రబాబు ప్రశ్నించారు. తన నియోజకవర్గానికి కూడా తాను వెళ్లొద్దా? అని పోలీసులను చంద్రబాబు ప్రశ్నించారు. రోడ్‌షోకు పోలీసులు ఎందుకు అనుమతి ఇవ్వట్లేదు? అని, నోటీసులపై పోలీసులు రాతపూర్వకంగా వివరణ ఇవ్వాలని చంద్రబాబు డిమాండ్ చేశారు. ఇంతమంది ప్రజలను ఇబ్బంది పెడతారా అంటూ చంద్రబాబు ఫైర్‌ అయ్యారు. చంద్రబాబు కుప్పం పర్యటనలో నేపథ్యంలో పెద్దూరులో చంద్రబాబును పోలీసులు అడ్డుకున్నారు. చంద్రబాబు రోడ్‌షో, సభకు అనుమతి లేదని పోలీసులు తెలిపారు. చంద్రబాబు పర్యటనకు అనుమతిలేదంటూ పోలీసులు నోటీసులు ఇచ్చారు. పోలీసుల నోటీసులు తీసుకునేందుకు చంద్రబాబు నిరాకరించారు. పోలీసులతో చంద్రబాబు తీవ్ర వాగ్వాదానికి దిగారు. పోలీసుల తీరుపై టీడీపీ కార్యకర్తల ఆందోళన చేశారు. సీఎం డౌన్ డౌన్ అంటూ టీడీపీ శ్రేణుల నినాదాలు చేశారు. కుప్పం గడ్డ.. చంద్రబాబు అడ్డా అంటూ కార్యకర్తలు నినాదాలు చేశారు.
Updated Date - 2023-01-04T17:34:28+05:30 IST