Tirumala: నేటితో ముగియనున్న శ్రీవారి నవరాత్రి బ్రహ్మోత్సవాలు..
ABN, First Publish Date - 2023-10-23T07:01:40+05:30
తిరుమల: శ్రీవారి నవరాత్రి బ్రహ్మోత్సవాలు సోమవారంతో ముగియనున్నాయి. ఈ ఉదయం వరాహ పుష్కరిణిలో స్వామివారి చక్రస్నాన మహోత్సవం వేడుకగా ప్రారంభమైంది. శ్రీదేవి, భూదేవి సమేత మలయప్ప స్వామికి అర్చకులు స్నప్న తిరుమంజనాని నిర్వహించనున్నారు.
తిరుమల: శ్రీవారి నవరాత్రి బ్రహ్మోత్సవాలు సోమవారంతో ముగియనున్నాయి. ఈ ఉదయం వరాహ పుష్కరిణిలో స్వామివారి చక్రస్నాన మహోత్సవం వేడుకగా ప్రారంభమైంది. శ్రీదేవి, భూదేవి సమేత మలయప్ప స్వామికి అర్చకులు స్నప్న తిరుమంజనాని నిర్వహించనున్నారు. మరికాసేపట్లో చక్రతాళ్వార్‌కీ అర్చకులు పుష్కరిణిలో అవబృద్ద స్నానం చేయించనున్నారు. దీంతో శ్రీవారి నవరాత్రి బ్రహ్మోత్సవాలు పరిసమాప్తం కానున్నాయి. సోమవారం రాత్రి బంగారు తిరుచ్చి వాహనంపై శ్రీదేవి, భూదేవి సమేత మలయప్ప స్వామి మాడ వీధుల్లో భక్తులకు దర్శనం ఇవ్వనున్నారు. స్వామివారి చక్రస్నాన మహోత్సవాన్ని తిలకించేందుకు భక్తులు పెద్ద ఎత్తున తరలివచ్చారు.
కాగా శ్రీవారి నవరాత్రి బ్రహ్మోత్సవాలు వైభవంగా జరుగుతున్నాయి. ఉత్సవాల్లో భాగంగా ఎనిమిదోవ రోజు ఆదివారం ఉదయం మలయప్ప స్వామి శ్రీదేవి, భూదేవి సమేతంగా స్వర్ణరధంపై ఊరేగుతూ భక్తులకు దర్శనం ఇచ్చారు. మలయప్ప స్వామిని దర్శించుకునేందుకు పురవీధుల్లోకి భక్తులు పెద్ద సంఖ్యలో తరలి వచ్చారు. అలాగే రాత్రి 7 గంటలకు శ్రీనివాసుడు అశ్వ వాహనంపై ఊరేగుతూ భక్తులకు దర్శనం ఇచ్చారు. సోమవారం ఉదయం జరిగే చక్రస్నానంతో శ్రీవారి నవరాత్రి బ్రహ్మోత్సవాలు పరిసమాప్తం కానున్నాయి.
Updated Date - 2023-10-23T07:01:40+05:30 IST