Tirumala : కొనసాగుతున్న భక్తుల రద్దీ.. నేడు ఎన్ని కంపార్ట్‌మెంట్లలో భక్తులు ఉన్నారంటే..
ABN, First Publish Date - 2023-10-13T07:36:19+05:30
తిరుమలలో భక్తుల రద్దీ కొనసాగుతోంది. నేడు (శుక్రవారం) శ్రీవారి సర్వదర్శనం కోసం 22 కంపార్ట్‌మెంట్లలో భక్తులు వేచి ఉన్నారు.
Tirumala : తిరుమలలో భక్తుల రద్దీ కొనసాగుతోంది. నేడు (శుక్రవారం) శ్రీవారి సర్వదర్శనం కోసం 22 కంపార్ట్‌మెంట్లలో భక్తులు వేచి ఉన్నారు. శ్రీవారి సర్వదర్శనానికి 6 గంటల సమయం పడుతోంది. గురువారం స్వామివారిని 65,937 మంది భక్తులు దర్శించుకుని మొక్కులు చెల్లించుకున్నారు. నిన్న శ్రీవారి హుండీ ఆదాయం రూ.4.28 కోట్లు వచ్చినట్టు తిరుమల తిరుపతి దేవస్థానం వెల్లడించింది.
కాగా.. రేపు, ఎల్లుండి సర్వదర్శనం టోకెన్లను టీటీడీ విడుదల చేయనుంది. రేపటి నుంచి 9 రోజుల పాటు తిరుమలలో నవరాత్రి ఉత్సవాలు జరగనున్నాయి. పెరటాసి మాసం, దసరా సెలవులు నేపథ్యంలో.. లక్షల సంఖ్యలో భక్తులు వస్తారన్న అంచనాతో టీటీడీ ఏర్పాట్లు చేస్తోంది. ఈ నెల 19న సా.6.30కు శ్రీవారి గరుడోత్సవాన్ని నిర్వహించనున్నారు. బ్రహ్మోత్సవాల దృష్ట్యా ఈనెల 14 నుంచి 23వ తేదీ వరకు.. పలు సేవలు, ప్రత్యేక దర్శనాలు టీటీడీ రద్దు చేసింది.
Updated Date - 2023-10-13T08:05:25+05:30 IST