Chittoor Dist.: కుప్పంలో టీడీపీ కార్యకర్తల ఇళ్లపై దాడికి దిగుతున్న వైసీపీ..
ABN, First Publish Date - 2023-04-28T16:43:39+05:30
కుప్పం (Kuppam)లో టీడీపీ నాయకులు (TDP Leaders), కార్యకర్తల (Activists)పై వైసీపీ (YCP) శ్రేణులు కక్ష సాధింపు చర్యలకు దిగుతున్నారు. టీడీపీ కార్యకర్తల ఇళ్లపై దాడికి పాల్పడుతున్నారు.
చిత్తూరు జిల్లా: కుప్పం (Kuppam)లో టీడీపీ నాయకులు (TDP Leaders), కార్యకర్తల (Activists)పై వైసీపీ (YCP) శ్రేణులు కక్ష సాధింపు చర్యలకు దిగుతున్నారు. టీడీపీ కార్యకర్తల ఇళ్లపై దాడికి పాల్పడుతున్నారు. 8వ వార్డులో టీడీపీ నేత జగన్ (TDP Leader Jagan) ఇంటిపై అర్ధరాత్రి 50 మంది వైసీపీ కార్యకర్తలు దాడి చేశారు. ఇంట్లోకి చొరబడి వస్తువులను ధ్వంసం చేసి కుటుంబ సభ్యులను గాయపరిచారు.
మరో సంఘటనలో పలర్లపల్లికి చెందిన టీడీపీ వార్డు కార్యదర్శి ఇంటిపై వైసీపీ శ్రేణులు రాళ్లతో, కర్రలతో దాడికి తెగబడ్డారు. ఇంటిలోని వస్తువులు ధ్వంసం చేసి కుటుంబసభ్యులను తీవ్రంగా గాయపరిచారు. వైసీపీ అల్లరిమూకల దాడిలో గాయపడ్డ టీడీపీ కార్యకర్తలను, వారి కుటుంబ సభ్యులను ఎమ్మెల్సీ కంచెర్ల శ్రీకాంత్, టీడీపీ నాయకులు పరామర్శించారు. పరమర్శకు వెళ్లివచ్చిన తర్వాత మరోసారి టీడీపీ బాధిత కుటుంబాల ఇళ్లపై వైసీపీ శ్రేణులు దాడికి పాల్పడ్డారు. టీడీపీ కార్యకర్తలపై దాడిచేసిన వారిపై వెంటనే కేసు నమోదు చేయాలని ఏమ్మెల్సీ కంచెర్ల శ్రీకాంత్ డిమాండ్ చేశారు. అధికార వైసీపీ ఆగడాలపై ఎప్పటికప్పుడు ఎండగడుతూ టీడీపీ కార్యక్రమంలో చురుగ్గా పాల్గొంటున్న కార్యకర్తల ఇళ్లపై వైసీపీ అల్లరిమూకలు దాడులకు పాల్పడుతున్నాయని శ్రీకాంత్ మండిపడ్డారు.
Updated Date - 2023-04-28T16:43:39+05:30 IST