1. • Home » Andhra Pradesh » Fire in train carriage bbr

AP News: రైలు బోగీలో మంటలు.. బెంబేలెత్తిన ప్రయాణికులు

మచిలీపట్నం-తిరుపతి (Machilipatnam Tirupati) రైల్లోని ఒక బోగీలో మంటలు వచ్చాయి. దీంతో ప్రయాణికులు భీతిల్లిపోయారు. వెంటనే రైలును నిలిపివేసిన అధికారులు..

టంగుటూరు: మచిలీపట్నం-తిరుపతి (Machilipatnam Tirupati) రైల్లోని ఒక బోగీలో మంటలు వచ్చాయి. దీంతో ప్రయాణికులు భీతిల్లిపోయారు. వెంటనే రైలును నిలిపివేసిన అధికారులు మంటలను అదుపు చేయడంతోపాటు, అవసరమైన మరమ్మతులు చేసి రైలును పంపించారు. ఈ ఘటన ప్రకాశం జిల్లా టంగుటూరు రైల్వే స్టేషన్‌లో సమీపంలో ఆదివారం రాత్రి చోటుచేసుకుంది. అందిన సమాచారం మేరకు.. మచిలీపట్నం నుంచి తిరుపతి వెళ్తున్న రైలు టంగుటూరు సమీపంలోకి వచ్చేసరికి ఒక బోగీలో మంటలు చెలరేగాయి. వెంటనే అప్రమత్తమైన బోగీలోని ప్రయాణికులు చైన్‌లాగి బండిని ఆపి కిందకు దిగారు. ఇంతలో రైల్వే అధికారులు, సిబ్బంది అక్కడకు చేరుకొని మంటలను అదుపు చేశారు. ప్రమాదానికి కారణాలను పరిశీలించారు. షార్ట్‌ సర్క్యూట్‌ వలన మంటలు వచ్చాయని నిర్ధారించుకున్న వారు మరమ్మతులు చేసి అర్ధగంట తర్వాత ట్రైన్‌ను పంపించారు. ఎటువంటి ప్రమాదం చోటుచేసుకోకపోవడంతో అంతా ఊపిరి పీల్చుకున్నారు.