AP NEWS: రేపు పోలవరం ప్రాజెక్టు పనుల పురోగతిపై కేంద్ర జలశక్తి శాఖ సమావేశం
ABN, First Publish Date - 2023-08-28T23:45:57+05:30
పోలవరం ప్రాజెక్టు( Polavaram project) పనుల పురోగతిపై రేపు ఢిల్లీలో ఏపీ అధికారులతో కేంద్ర జలశక్తి శాఖ కార్యదర్శి ఉన్నతస్థాయి సమావేశం నిర్వహించనున్నారు.
ఢిల్లీ: పోలవరం ప్రాజెక్టు( Polavaram project) పనుల పురోగతిపై రేపు ఢిల్లీలో ఏపీ అధికారులతో కేంద్ర జలశక్తి శాఖ కార్యదర్శి ఉన్నతస్థాయి సమావేశం నిర్వహించనున్నారు.రేపు సాయంత్రం 4:30కి కేంద్ర జలశక్తి శాఖ కార్యాలయం(Office of Central Hydropower Department) శ్రమ శక్తి భవన్‌లో ఈ సమావేశం జరగనున్నది. పోలవరం నీటిపారుదల ప్రాజెక్ట్ ECRF ఆనకట్ట డయాఫ్రమ్ వాల్‌ పరిస్థితి, అప్‌స్ట్రీమ్ కాఫర్ డ్యామ్ పరిస్థితిపై సమీక్ష, కాపర్ డామ్ నష్ట నివారణ చర్యలపై కార్యాచరణ రూపొందిస్తారు. అప్‌స్ట్రీమ్ కాఫర్ డ్యామ్ నుంచి లీకేజీని పరిగణనలోకి తీసుకుని ECRF డ్యామ్ నిర్మాణానికి సంబంధించిన అంశాలపై చర్చిస్తారు. పోలవరం ప్రాజెక్టు మొదటి దశకు సవరించిన వ్యయ అంచనాను ఖరారు చేయడం, సహా పోలవరం ప్రాజెక్టుకు సంబంధించిన ఇతర అంశాలపై ఈ సమావేశంలో కార్యచరణ రూపొందిస్తారు.
Updated Date - 2023-08-28T23:45:57+05:30 IST