Kollu Ravindra: టీడీపీ నేతలపై వైసీపీ నేతలు గొడ్డళ్లతో దాడి..
ABN, First Publish Date - 2023-08-30T12:34:57+05:30
అమరావతి: టీడీపీ నేత, మాజీ మంత్రి కొల్లు రవీంద్ర వైసీపీ నేతలపై తీవ్రస్థాయిలో మండిపడ్డారు. బుధవారం ఆయన ఇక్కడ మీడియాతో మాట్లాడుతూ వెల్దుర్తి మండలం, గొట్టిపాళ్లలో టీడీపీ నేతలపై వైసీపీ నేతలు గొడ్డళ్లతో దాడి చేయడాన్ని రాక్షస చర్యగా అభివర్ణించారు.
అమరావతి: టీడీపీ (TDP) నేత, మాజీ మంత్రి కొల్లు రవీంద్ర (Kollu Ravindra) వైసీపీ నేతల (YCP Leaders)పై తీవ్రస్థాయిలో మండిపడ్డారు. బుధవారం ఆయన ఇక్కడ మీడియాతో మాట్లాడుతూ వెల్దుర్తి మండలం, గొట్టిపాళ్లలో టీడీపీ నేతలపై వైసీపీ నేతలు గొడ్డళ్లతో దాడి చేయడాన్ని రాక్షస చర్యగా అభివర్ణించారు. జగన్ రెడ్డి (Jagan Reddy) గద్దెనెక్కినప్పటి నుంచి పల్నాడులో రక్తపుటేర్లు పారిస్తూనే ఉన్నారని, టీడీపీ నేతలు, కార్యకర్తలే లక్ష్యంగా దాడులకు పాల్పడుతున్నారని విమర్శించారు. టీడీపీ నేతల ఇళ్లపై పడి రాళ్లు, కర్రలతో దాడి చేశారని, మహిళలను భయబ్రాంతులకు గురిచేయడం అమానుషమన్నారు.
వైసీపీ రాక్షస చర్యలతో బిక్కుబిక్కుమంటూ కాలం వెళ్లదీసే పరిస్థితి నెలకొందని కొల్లు రవీంధ్ర అన్నారు. బీసీలపై జరుగుతున్న దాడులకు ముఖ్యమంత్రి జగన్ ఏం సమాధానం చెబుతారని ప్రశ్నించారు. ఓటమి భయంతోనే మాచర్లలో వైసీపీ నేతలు విధ్వంసం సృష్టిస్తున్నారని, జగన్ రెడ్డి పాలనలో శాంతిభద్రతలు పూర్తిగా క్షీణించాయనేందుకు వెల్దుర్తి ఘటనే నిదర్శనమన్నారు. దాడి జరుగుతున్నప్పుడు పోలీసులకు ఫిర్యాదు చేసినా పట్టించుకోకపోవడం అప్రజాస్వామిక పాలనకు నిదర్శనమన్నారు. మారణాయుధాలతో దాడులకు పాల్పడిన వారిపై చర్యలు తీసుకోవాలని కొల్లు రవీంధ్ర డిమాండ్ చేశారు.
Updated Date - 2023-08-30T12:34:57+05:30 IST