GV Anjaneyulu: అతిపెద్ద భూ బకాసురుడు ఎమ్మెల్యే బొల్లా..
ABN, First Publish Date - 2023-06-05T16:24:14+05:30
పల్నాడు జిల్లా: ఆంధ్రప్రదేశ్ రాష్ట్రంలో అతిపెద్ద భూ బకాసురుడు వినుకొండ ఎమ్మెల్యే బొల్లా బ్రహ్మ నాయుడు అని టీడీపీ పల్నాడు జిల్లా అధ్యక్షుడు జీవీ ఆంజనేయులు అన్నారు.
పల్నాడు జిల్లా: ఆంధ్రప్రదేశ్ (Andhra Pradesh) రాష్ట్రంలో అతిపెద్ద భూ బకాసురుడు వినుకొండ (Vinukonda) ఎమ్మెల్యే బొల్లా బ్రహ్మ నాయుడు (MLA Bolla Brahma Naidu) అని టీడీపీ (TDP) పల్నాడు జిల్లా (Palnadu Dist.) అధ్యక్షుడు జీవీ ఆంజనేయులు (GV Anjaneyulu) అన్నారు. ఈ సందర్భంగా సోమవారం ఆయన ఇక్కడ మీడియాతో మాట్లాడుతూ బినామీ పేర్లతో వందలాది ఎకరాల భూమి దోచుకున్నారని ఆరోపించారు. వినుకొండ, బొల్లాపల్లి మండలాల్లో అతి పెద్ద భూ స్కామ్‌ (Scam)కు బొల్లా పాల్పడ్డారని అన్నారు. ‘కొనేది గోరంత, అక్రమించేది కొండంత’ అని ఆరోపించారు. వాగు, కొండ పోరంబోకు, అసైన్డ్ భూములను బొల్లా అక్రమించుకున్నారని విమర్శించారు.
ఎమ్యెల్యే బొల్లా తన పదవిని అడ్డుపెట్టుకుని రియల్ ఎస్టేట్ వ్యాపారం చేస్తున్నారని జీవీ ఆంజనేయలు విమర్శించారు. బొల్లా భూ దాహం వలన వినుకొండ పట్టణంలో 5 వేల మంది పేదలు అన్యాయానికి గురయ్యారన్నారు. రియల్ ఎస్టేట్ వ్యాపారులను బెదిరించి ఎమ్మెల్యే బొల్లా ముడుపులు తీసుకుంటున్నారని ఆరోపించారు. జర్నలిస్టులను సైతం బెదిరిస్తూ తన పబ్బం గడుపుకుంటున్నారని, వినుకొండలో బి టాక్స్ అమలవుతోందన్నారు. వందల కోట్ల డబ్బులు ఇసుకపై ఎమ్మెల్యే బొల్లా దోచుకుంటున్నారని జీవీ ఆంజనేయులు తీవ్రస్థాయిలో విమర్శించారు.
Updated Date - 2023-06-05T16:24:14+05:30 IST