JAGAN: మోడీతో జగన్ ప్రధాన చర్చ ఇదే !
ABN, First Publish Date - 2023-03-17T22:43:21+05:30
ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డి (JAGAN) ఢిల్లీ వెళ్లి వచ్చారు. అసెంబ్లీ సమావేశాలు జరుగుతున్న సమయంలో ఢిల్లీ పర్యటన రాష్ట్రంలో హాట్ టాపిక్‌గా మారింది.
న్యూఢిల్లీ: ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డి (JAGAN) ఢిల్లీ వెళ్లి వచ్చారు. అసెంబ్లీ సమావేశాలు జరుగుతున్న సమయంలో ఢిల్లీ పర్యటన రాష్ట్రంలో హాట్ టాపిక్‌గా మారింది. జగన్ పర్యటన అధికార పార్టీలో కూడా చర్చనీయాంశమైంది. వైఎస్ వివేకా హత్యకేసులో సీబీఐ (CBI) కడప వైసీపీ ఎంపీ అవినాష్ రెడ్డితోపాటు ఆయన తండ్రి భాస్కర్ రెడ్డిని కూడా అవసరమైతే అదుపులోకి తీసుకుంటామని ప్రకటించడంతో అధికార పార్టీలో కలవరం ప్రారంభమైంది. సీఎం జగన్ ప్రధాని నరేంద్ర మోదీ (MODI)తో పార్లమెంట్‌లో సమావేశమై అరగంటపాటు చర్చించారు. సీబీఐ అరెస్ట్ నుంచి అవినాష్ రెడ్డిని కాపాడేందుకే హడావుడిగా ఢిల్లీ వెళ్లారని టీడీపీ (TDP) సీనియర్ నేత వర్ల రామయ్య ఆరోపించారు. ఎన్ని ప్రయత్నాలు చేసినా అవినాష్ రెడ్డి అరెస్ట్ తప్పదని.. సీఎం దంపతులను సీబీఐ విచారించక తప్పదని వర్ల రామయ్య (Varla Ramaiah) అన్నారు.
Updated Date - 2023-03-17T22:55:12+05:30 IST