YCP MLA: రోడ్డుపైనే వైసీపీ ఎమ్మెల్యేను నిలదీసిన మహిళలు..
ABN, First Publish Date - 2023-05-11T15:31:56+05:30
పామర్రు ఎమ్మెల్యే కైలే అనిల్ కుమార్‌కు నిరసన సెగ తగిలింది.
కృష్ణా: పామర్రు ఎమ్మెల్యే కైలే అనిల్ కుమార్‌కు (Paleru MLA Anil Kumar) నిరసన సెగ తగిలింది. మొవ్వ మండల పర్యటనకు వచ్చిన ఎమ్మెల్యే అనిల్‌ను సురసానిపల్లే హరిజనవాడ మహిళలు అడ్డుకున్నారు. తమ సమస్యలు ఎందుకు పట్టించుకోవడం లేదని రోడ్డుపైనే ఎమ్మెల్యేను మహిళలు నిలదీశారు. మహిళల నిలదీతతో ఎమ్మెల్యే తీవ్ర అసహనం వ్యక్తం చేశారు. ఓట్ల కోసం దండం పెట్టిన ఎమ్మెల్యే అనిల్... గెలిచిన తర్వాత గ్రామ సమస్యలు పట్టించుకోవడంలేదని గ్రామస్తుల ఆవేదన వ్యక్తం చేశారు. దీనస్థితిలో ఉన్న సురసానిపల్లే హరిజనవాడ సమస్యలు పరిష్కరించాలని గ్రామస్తులు డిమాండ్ చేశారు. ఎమ్మెల్యే పర్యటన తెలుసుకొని రెండు ట్రాక్టర్లతో గ్రామ మహిళలు మొవ్వ చేరుకున్నారు.
Updated Date - 2023-05-11T15:31:56+05:30 IST