Chandrababu Arrest: టీడీపీ నేతల నిరసనను అడ్డుకున్న పోలీసులు...కోడూరులో ఉద్రిక్తత
ABN, First Publish Date - 2023-09-09T11:03:19+05:30
టీడీపీ అధినేత చంద్రబాబు నాయుడు అరెస్ట్‌కు నిరసగా కృష్ణా జిల్లా కోడూరులో టీడీపీ నేతల ఆందోళన ఉద్రిక్తతకు దారి తీసింది. టీడీపీ నేతల నిరసనను పోలీసులు అడ్డుకున్నారు. ఈ క్రమంలో తెలుగుదేశం నేతలు, పోలీసులకు మధ్య తీవ్ర వాగ్వాదం చోటు చేసుకుంది.
కృష్ణా జిల్లా: టీడీపీ అధినేత చంద్రబాబు నాయుడు (TDP Chief Chandrababu Naidu) అరెస్ట్‌కు నిరసగా కృష్ణా జిల్లా కోడూరులో టీడీపీ నేతల ఆందోళన ఉద్రిక్తతకు దారి తీసింది. టీడీపీ నేతల నిరసనను పోలీసులు అడ్డుకున్నారు. ఈ క్రమంలో తెలుగుదేశం నేతలు, పోలీసులకు మధ్య తీవ్ర వాగ్వాదం చోటు చేసుకుంది. చంద్రబాబు అక్రమ అరెస్టును కండిస్తూ కోడూరు మండల తెలుగుదేశం పార్టీ ఆధ్వర్యంలో నిరసన వ్యక్తం చేసేందుకు పార్టీ నేతలు బయలుదేరారు. నల్ల రెబ్బలను కొట్టుకుని కోడూరు ప్రధాన సెంటర్‌కు పార్టీ శ్రేణులు ర్యాలీగా బయలుదేరారు. అయితే ప్రధాన సెంటర్‌కు వెళుతున్న తెలుగు తమ్ముళ్లను పోలీసులు అడ్డుకున్నారు. టీడీపీ నేతలకు, పోలీసులకు వాగ్వాదం జరిగింది. 144 సెక్షన్ అమల్లో ఉందని ఎటువంటి ర్యాలీ నిర్వహించినా పోలీస్ స్టేషన్‌కు తరలిస్తామని హెచ్చరించడంతో కోడూరులో టెన్షన్ వాతావరణం నెలకొంది. పోలీసుల తీరుపై టీడీపీ శ్రేణులు తీవ్రస్థాయిలో మండిపడుతున్నారు.
Updated Date - 2023-09-09T11:03:20+05:30 IST