AP NEWS: శ్రీశైలం ఘాట్ రోడ్డులో మరోసారి భారీ ట్రాఫిక్ జామ్
ABN, First Publish Date - 2023-12-10T17:02:07+05:30
శ్రీశైలం ఘాట్ రోడ్డు ( Srisailam Ghat Road ) లో మరోసారి భారీ ట్రాఫిక్ జామ్ అయింది. శ్రీశైలం నుంచి సుమారు ఆరు కిలోమీటర్ల మేర ట్రాఫిక్ జామ్ అయి రోడ్లపై వాహనాలు నిలిచిపోయాయి. శ్రీశైలం నుంచి ముఖద్వారం వరకు రోడ్లపై భక్తుల కార్లు బస్సులు నిలిచిపోయాయి.
నంద్యాల : శ్రీశైలం ఘాట్ రోడ్డు ( Srisailam Ghat Road ) లో మరోసారి భారీ ట్రాఫిక్ జామ్ అయింది. శ్రీశైలం నుంచి సుమారు ఆరు కిలోమీటర్ల మేర వరకు ట్రాఫిక్ జామ్ కావడంతో రోడ్లపై వాహనాలు నిలిచిపోయాయి. శ్రీశైలం నుంచి ముఖద్వారం వరకు రోడ్లపై భక్తుల కార్లు బస్సులు నిలిచిపోయాయి. రేపటితో కార్తీకమాసం ముగుస్తుండడంతో శ్రీశైలానికి భక్తులు భారీగా తరలి వస్తున్నారు. భక్తుల రద్దీ దృష్ట్యా శ్రీశైలం ఆలయంలో స్వామివారి అభిషేకాలు స్వామివారి స్పర్శ దర్శనాలు రద్దు చేశారు. భక్తులందరికీ అలంకార దర్శనానికి మాత్రమే అనుమతిస్తున్నట్లు ఈఓ పెద్దిరాజు తెలిపారు. సాక్షిగణపతి శ్రీశైలం టోల్‌గేట్ సమీపంలో రోడ్లపై భారీగా కార్లు, బస్సులు నిలిచిపోయాయి. దైవ దర్శనానికి సుమారు ఆరు గంటల సమయం పడుతోంది. దీంతో ఆలయ పరిసరాలు భక్తులతో కిటకిటలాడుతున్నాయి.
Updated Date - 2023-12-10T17:02:10+05:30 IST