Yuvagalam: 99వ రోజుకు చేరుకున్న యువగళం పాదయాత్ర
ABN, First Publish Date - 2023-05-14T07:55:38+05:30
నంద్యాల: తెలుగుదేశం పార్టీ జాతీయ ప్రధాన కార్యదర్శి నారా లోకేష్ (Nara Lokesh) చేపట్టి యువగళం పాదయాత్ర (Yuvagalam Padayatra) ఆదివారం నాటికి 99వ రోజుకు చేరింది.
నంద్యాల: తెలుగుదేశం పార్టీ జాతీయ ప్రధాన కార్యదర్శి నారా లోకేష్ (Nara Lokesh) చేపట్టిన యువగళం పాదయాత్ర (Yuvagalam Padayatra) ఆదివారం నాటికి 99వ రోజుకు చేరింది. ఈరోజు శ్రీశైలం (SriSailam) నియోజకవర్గంలోని వెలగాము వద్ద కొత్త రామాపురం గ్రామస్తులతో సమావేశం కానున్నారు. తర్వాత తెలుగు గంగ ప్రాజెక్టును సందర్శించనున్నారు. అనంతరం ఫారెస్ట్ కార్యాలయం సమీపంలో స్కిల్డ్ అండ్ స్కిల్డ్ వర్కర్లతో ముఖాముఖి కార్యక్రమం నిర్వహిస్తారు. ఆదివారం సాయంత్రం వెలుగోడులో ఎస్సీలు, బుడగజంగాలు, స్థానికులతో భేటీ కానున్నారు. రాత్రికి బోయ రేవుల శివారు విడిది కేంద్రంలో నారా లోకేష్ బస చేయనున్నారు.
కాగా లోకేశ్‌ 100 రోజుల యువగళం పాదయాత్రకు సంఘీభావంగా సోమవారం నంద్యాల జిల్లా వ్యాప్తంగా ప్రత్యేక కార్యక్రమాలు నిర్వహించనున్నారు. ఈ మేరకు మాజీ ఎమ్మెల్సీ దొరబాబు, పార్టీ రాష్ట్ర కార్యదర్శి సురేంద్రకుమార్‌, చిత్తూరు పార్లమెంటు అధ్యక్షుడు పులివర్తి నాని, ప్రధాన కార్యదర్శి కోదండయాదవ్‌, మాజీ మేయర్‌ కటారి హేమలత ఒక ప్రకటనలో తెలిపారు. అన్ని నియోజకవర్గాల్లో పాదయాత్రలు చేయనున్నట్లు పేర్కొన్నారు. అందులో భాగంగా చిత్తూరులోని జిల్లా పార్టీ కార్యాలయం నుంచి గిరింపేట దుర్గమ్మ గుడి వరకు పాదయాత్ర చేసి ఆలయంలో ప్రత్యేక పూజలు నిర్వహిస్తామన్నారు. ఈ కార్యక్రమానికి పార్టీ శ్రేణులు అధిక సంఖ్యలో తరలిరావాలని పిలుపిచ్చారు.
Updated Date - 2023-05-14T09:59:53+05:30 IST