Jogi Ramesh: టీడీపీ-జనసేన కలయిక వ్యాక్సిన్ కాదు.. వైరస్
ABN, First Publish Date - 2023-10-05T15:46:03+05:30
జనసేన - టీడీపీ కలయిక ఒక వైరస్ అని మంత్రి జోగిరమేష్ వ్యాఖ్యలు చేశారు. గురువారం మీడియాతో మాట్లాడుతూ.. బాబు - పవన్ కలయిక పాయిజన్ అని.. ఇద్దరి వేషాలు.. వెకిలిచేష్టలు ప్రజలకు తెలుసన్నారు.చంద్రబాబు స్కామ్‌లు కూడా జనానికి తెలుస్తున్నాయని అన్నారు. రాజమండ్రి సెంట్రల్‌ జైల్లో బాబు ఎలా ఉన్నారో తెలుసు కదా.. బంధం విడదీయరానిది అని బయటకు వచ్చి పవన్ చెప్పాక మొదటి సభ ఫ్లాప్ అయిందన్నారు.
అమరావతి: జనసేన - టీడీపీ కలయిక (Janasena -TDP Alliance) ఒక వైరస్ అని మంత్రి జోగిరమేష్ (Minister Jogi Ramesh) వ్యాఖ్యలు చేశారు. గురువారం మీడియాతో మాట్లాడుతూ.. బాబు - పవన్ కలయిక పాయిజన్ అని.. ఇద్దరి వేషాలు.. వెకిలిచేష్టలు ప్రజలకు తెలుసన్నారు.చంద్రబాబు స్కామ్‌లు కూడా జనానికి తెలుస్తున్నాయని అన్నారు. రాజమండ్రి సెంట్రల్‌ జైల్లో బాబు ఎలా ఉన్నారో తెలుసు కదా.. బంధం విడదీయరానిది అని బయటకు వచ్చి పవన్ చెప్పాక మొదటి సభ ఫ్లాప్ అయిందన్నారు. పెడన ప్రజలకు పవన్ క్షమాపణ చెప్తారని చూశానని... తమ దగ్గర గొడవలు ఉండవు అని ముందే చెప్పానని అన్నారు. ‘‘అత్తారింటికి దారేది... సినిమా పైరసీ పెడనలో చేనేత కార్మికులు చేసారని పవన్ జైల్లో పెట్టి కొట్టించారు. ఇదేనా పెడనపై అవావాహన... పవన్ పెడనపై చెప్పే శ్రీరంగనీతులు తెలియవా.. పవన్ కళ్యాణ్ రష్యన్‌నా.. ఇండియన్‌నా... పవన్ కళ్యాణ్‌తో కూనీ, రబ్బర్ సింగ్ సినిమాలు తీస్తా. వైఎస్ఆర్సీపీ కేంద్ర కార్యాలయం - తాడేపల్లి. టీడీపీ - జనసేన కలయిక వ్యాక్సిన్ కాదు - వైరస్. నీవు ఒక పావలా.. నీ చుట్టూ 4 పావలాలు.. కలిపితే రూపాయి పావలా.. నీవు అమ్ముడుపోయావని, అంతా అమ్ముడుపోరని తెలుసుకో..! మీరంతా తినేది, ఉండేది హైదరాబాద్‌లో.. విషం కక్కేది ఏపీలోనా? దీన్ని జనసేన, టీడీపీ క్యాడర్‌లు గమనించాలి’’ అంటూ జోగి రమేష్ విరుచుకుపడ్డారు.
Updated Date - 2023-10-05T15:46:03+05:30 IST