Chandrababu: ఎన్టీఆర్‌కు భారతరత్న ఇవ్వాలి: చంద్రబాబు
ABN, First Publish Date - 2023-04-28T21:00:06+05:30
ఎన్టీఆర్‌కు భారతరత్న (Bharat Ratna) ఇవ్వాలని టీడీపీ అధినేత చంద్రబాబు (Chandrababu) డిమాండ్ చేశారు. భారతరత్న ఇవ్వాలని తీర్మానం చేసి ఢిల్లీకి పంపిస్తామని స్పష్టం చేశారు.
విజయవాడ: ఎన్టీఆర్‌కు భారతరత్న (Bharat Ratna) ఇవ్వాలని టీడీపీ అధినేత చంద్రబాబు (Chandrababu) డిమాండ్ చేశారు. భారతరత్న ఇవ్వాలని తీర్మానం చేసి ఢిల్లీకి పంపిస్తామని స్పష్టం చేశారు. భారతరత్న ఇచ్చేవరకు అడుగుతూనే ఉంటామని ప్రకటించారు. ఎన్టీఆర్ (NTR) శతజయంతి వేడుకల అంకురార్పణ సభలో చంద్రబాబు మాట్లాడుతూ ఎన్టీఆర్ వ్యక్తి కాదు.. శక్తి అని కొనియాడారు. ఎన్టీఆర్ ఎక్కడ ఉంటే అక్కడ స్ఫూర్తి ఉంటుందన్నారు. ఎన్టీఆర్ తనకు తానే సాటన్నారు. ఎన్టీఆర్ లాంటి నటుడు, నాయకుడు రావాలంటే ఆయన మళ్లీ పుట్టాలని ఆకాంక్షించారు.
రాజకీయాల్లో ఎలా క్రమశిక్షణతో ఉండాలో ఆచరించి చూపారని ఈ సందర్భంగా గుర్తుచేశారు. ఎన్టీఆర్ స్వగ్రామం నిమ్మకూరును పర్యాటక కేంద్రంగా మారుస్తామని ప్రకటించారు. ఎన్టీఆర్ రాజకీయాల్లోకి వచ్చింది అధికారం కోసం కాదని, తెలుగు జాతి ఆత్మగౌరవం కోసం ఆయన పార్టీ పెట్టారని తెలిపారు. దేశ రాజకీయాలపైనా ఎన్టీఆర్ తన ముద్ర వేశారని చంద్రబాబు కొనియాడారు. ఎన్టీఆర్ పేరుతో మెమోరియల్ రూపొందేలా యాక్షన్ ప్లాన్ రూపొందిస్తామని తెలిపారు. అభివృద్ధి, సంక్షేమం చేసి చూపించిన పార్టీ టీడీపేనని చంద్రబాబు పేర్కొన్నారు.
Updated Date - 2023-04-28T21:00:06+05:30 IST