Purandheswari : టీటీడీ చైర్మన్ అనేది రాజకీయ పునరావాస పదవి కాదు
ABN, First Publish Date - 2023-08-08T13:45:27+05:30
వైసీపీ ప్రభుత్వంపై ఏపీ బీజేపీ రాష్ట్ర అధ్యక్షురాలు దగ్గుబాటి పురందేశ్వరి ట్విటర్ వేదికగా ఆగ్రహం వ్యక్తం చేశారు. తిరుమల తిరుపతి దేవస్థానము బోర్డ్ చైర్మన్ అన్నది రాజకీయ పునరావాస పదవి కారాదన్నారు. హిందూ ధర్మంపై నమ్మకమున్న వాళ్లే ఈ పదవికి న్యాయం చేయగలరన్నారు.
అమరావతి : వైసీపీ ప్రభుత్వంపై ఏపీ బీజేపీ రాష్ట్ర అధ్యక్షురాలు దగ్గుబాటి పురందేశ్వరి ట్విటర్ వేదికగా ఆగ్రహం వ్యక్తం చేశారు. తిరుమల తిరుపతి దేవస్థానము బోర్డ్ చైర్మన్ అన్నది రాజకీయ పునరావాస పదవి కారాదన్నారు. హిందూ ధర్మంపై నమ్మకమున్న వాళ్లే ఈ పదవికి న్యాయం చేయగలరన్నారు. ఇంతకుముందు ఈ ప్రభుత్వం 80 మంది సభ్యులతో ధర్మకర్తల మండలి నియామకం చేయడం జరిగిందని పురందేశ్వరి అన్నారు. ఈ విషయంపై గళం విప్పిన తరువాత 52 మంది నియామకం నిలిపి వేయడంతో జరిగిందన్నారు. అంటే ఈ ప్రభుత్వం నియామకాలను రాజకీయ పునరావాస నియామకాలగానే పరిగణిస్తున్నారని అర్థమవుతుందన్నారు. కనుక టీటీడీ చైర్మన్ పదవిలో హిందూ ధర్మంపై నమ్మకమున్న వారిని.. హిందూ ధర్మం అనుసరించే వాళ్ళను నియమించాలని దగ్గుబాటి పురందేశ్వరి కోరారు.
Updated Date - 2023-08-08T13:45:33+05:30 IST