AP News: కాకినాడ జిల్లాలో ఘోర రోడ్డు ప్రమాదం.. ఆరుగురు మృతి
ABN, First Publish Date - 2023-05-14T15:47:29+05:30
జిల్లాలో విషాదం చోటుచేసుకుంది. తాళ్లరేవు మండలం కొరింగిలో ఘోర రోడ్డు ప్రమాదం జరిగింది. జాతీయ రహదారి 216పై ఆటోను ఆర్టీసీ బస్సు ఢీకొట్టింది.
కాకినాడ: జిల్లాలో విషాదం చోటుచేసుకుంది. తాళ్లరేవు మండలం కొరింగిలో ఘోర రోడ్డు ప్రమాదం జరిగింది. జాతీయ రహదారి 216పై ఆటోను ఆర్టీసీ బస్సు ఢీకొట్టింది. ఈ ప్రమాదంలో ఆరుగురు మృతి చెందారు. పలువురి పరిస్థితి విషమంగా ఉన్నట్లు తెలుస్తోంది. మృతులు నీలపల్లి, యానాంకు చెందినవారుగా గుర్తించారు. సుబ్బారాయుడు పాలెంలోని రొయ్యల ప్యాక్టరీలో పని ముగించుకుని 15 మంది మహిళలు ఆటోలో ఇంటికి బయలుదేరారు. జాతీయ రహదారిపై ఆటో ఎక్కుతున్న సమయంలో అమలాపురం (Amalapuram) నుంచి కాకినాడ (Kakinada) వెళ్తున్న ఆర్టీసీ బస్సు ఆటోను ఢీ కొట్టింది. వేగంగా వస్తున్న బస్సు ఆటోను అర కిలోమీటరు వరకు ఈడ్చుకెల్లింది. ఆటోలో ప్రయాణిస్తున్న 15 మంది మహిళల్లో ఆరుగురు అక్కడిక్కడే మృతి చెందారు. మృతుల శరీరాలు చల్లాచెదురుగా పడిపోయాయి. మృతులను గుర్తించలేని విధంగా శరీరభాగాలు నుజ్జునుజ్జయ్యాయి. గాయపడ్డవారిని కాకినాడ ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
Updated Date - 2023-05-14T15:47:34+05:30 IST