Shareef : 9 నెలల్లో అధికారంలోకి రావడం ఒక చరిత్ర
ABN, First Publish Date - 2023-04-25T10:39:08+05:30
తెలుగు జాతి ముద్దు బిడ్డగా తెలుగు వారి ఖ్యాతి విశ్వ వ్యాప్తం చేసిన వ్యక్తి ఎన్టీఆర్ అని శాసన మండలి మాజీ ఛైర్మన్ షరీఫ్ కొనియాడారు.
విజయవాడ : తెలుగు జాతి ముద్దు బిడ్డగా తెలుగు వారి ఖ్యాతి విశ్వ వ్యాప్తం చేసిన వ్యక్తి ఎన్టీఆర్ అని శాసన మండలి మాజీ ఛైర్మన్ షరీఫ్ కొనియాడారు. ఎన్టీఆర్ శత జయంతి ఉత్సవాల సందర్భంగా ఆయన చరిత్రను అందరికీ అందుబాటులోకి తేవడం గొప్ప విషయమన్నారు. టిడి జనార్ధన్ కమిటీ ఛైర్మన్‌గా దీనిపై ఎన్నో పరిశోధనలు చేశారన్నారు. ఈ నెల 28న తాడిగడపలో భారీ సభను ఏర్పాటు చేశారన్నారు. టీడీపీ అధినేత చంద్రబాబు, సూపర్ స్టార్ రజనీకాంత్, ఎమ్మెల్యే నందమూరి బాలకృష్ణ, ప్రముఖ జర్నలిస్టు వెంకటనారాయణ పాల్గొంటున్నారని షరీఫ్ వెల్లడించారు.
ఎన్టీఆర్ వీరోచిత పోరాటం, తొమ్మిది నెలల్లో అధికారంలోకి రావడం ఒక చరిత్ర అని షరీఫ్ పేర్కొన్నారు. ప్రజల కోసం టీడీపీ ఎన్నో సంక్షేమ పథకాలు అమలు చేసిందన్నారు. ఎన్టీఆర్ తరహాలో చంద్రబాబు ఆ పథకాలను కొనసాగించారన్నారు. నేడు ఏపీలో నిరంకుశత్వ పాలన జరుగుతోందన్నారు. తెలుగు వారి ఆత్మ గౌరవాన్ని తాకట్టు పెట్టారన్నారు. ఉద్యోగ, ఉపాధి అవకాశాలు లేకుండా చేశారన్నారు. ప్రజలు కూడా ఆలోచించాలని... చంద్రబాబును తిరిగి సీఎం చేయాలని షరీఫ్ కోరారు.
Updated Date - 2023-04-25T10:39:08+05:30 IST