Srisailam: చంద్రగ్రహణం కారణంగా శ్రీశైలం మల్లన్న ఆలయం మూసివేత
ABN, First Publish Date - 2023-10-28T21:45:39+05:30
చంద్రగ్రహణం కారణంగా శ్రీశైలం మల్లన్న ఆలయ ద్వారాలను దేవస్థానం అధికారులు మూసివేశారు.
నంద్యాల: చంద్రగ్రహణం కారణంగా శ్రీశైలం మల్లన్న ఆలయ ద్వారాలను దేవస్థానం అధికారులు మూసివేశారు. శ్రీస్వామి అమ్మవారి ఉభయ ఆలయాలు, పరివార ఆలయాలను మూసివేసినట్లు అర్చకులు, అధికారులు తెలిపారు. తిరిగి రేపు తెల్లవారుజామున 5 గంటలకు ఆలయ ద్వారాలు తెరచి ఆలయశుద్ధి, సంప్రోక్షణ చేస్తారు. రేపు ఉదయం 7 గంటల నుంచి భక్తులకు దర్శనానికి, ఆర్జితసేవలకు అనుమతి ఇస్తారు. ఈరోజు సాయంత్రం, రాత్రి జరిగే ఆర్జితసేవ, శ్రీస్వామి అమ్మవారి కళ్యాణం నిలుపుదల చేశారు. రాత్రి భక్తులకు అందించే అల్పాహారం కూడా నిలుపుదల చేసినట్లు అధికారులు వెల్లడించారు.
Updated Date - 2023-10-28T21:47:20+05:30 IST