Budda Venkanna: ముద్రగడ గారూ మీది పొరబాటా లేక గ్రహపాటా... బుద్దా వెంకన్న లేఖ
ABN, First Publish Date - 2023-06-23T12:24:52+05:30
కాపు ఉద్యమ నేత ముద్రగడ పద్మనాభంపై టీడీపీ నేత బుద్దా వెంకన్న ఆగ్రహం వ్యక్తం చేశారు. ముద్రగడకు బహిరంగ లేఖ రాశారు.
అమరావతి: కాపు ఉద్యమ నేత ముద్రగడ పద్మనాభంపై (Mudragada Padmanabham) టీడీపీ నేత బుద్దా వెంకన్న (TDP Leader Budda Venkanna) ఆగ్రహం వ్యక్తం చేశారు. ముద్రగడకు బహిరంగ లేఖ రాశారు. ‘‘ముద్రగడ గారూ మీది పొరబాటా లేక గ్రహపాటా. 1995లో ముఖ్యమంత్రి అయిన చంద్రబాబు గారిని 1993-94లో ఎలా కలుస్తారు. ఈ లేఖ మీరు రాసిందా లేక జగన్ మోహన్ రెడ్డి (AP CM YS Jaganmohan Reddy) ఇచ్చిందా. 1993-94 లో పత్తిపాడు ఎమ్మెల్యేగా మీరు, ముఖ్యమంత్రిగా కోట్ల విజయ భాస్కర రెడ్డి గారు ఉన్నారు. మీరు చెబుతున్న కేసులు అప్పుడు మీరు శాసనసభ్యులుగా ఉన్నప్పుడు కాంగ్రెస్ ప్రభుత్వంలో పెట్టిన కేసులే అని మరచిపోయారా. అప్పుడు విషయం చంద్రబాబుకు (TDP Chief Chandrababu Naidu) ఆపాదించడం పొరబాటు కాదా. మీరు ఈ లేఖలతో ఎందుకు జరగని విషయాలను జరిగినట్లు ప్రస్తావిస్తున్నారు. ఎందుకు మీరు చంద్రబాబును ప్రతి విషయంలో లాగుతున్నారు. రాజకీయంగా ఏదన్నా మాట్లాడండి తప్పు లేదు.. కానీ చంద్రబాబుకు కులాన్ని ఆపాదించకండి. ఆయన అన్ని కులాలను సమానంగా చూస్తారు.. చూశారు. సంక్షేమ పధకాలను అమలు చేశారు’’ అని బుద్దా వెంకన్న లేఖలో పేర్కొన్నారు.
Updated Date - 2023-06-23T12:24:52+05:30 IST