Devineni: అక్రమ కేసులో ఇరికించి చంద్రబాబును జైలులో బంధించారు
ABN, First Publish Date - 2023-09-18T15:58:43+05:30
టీడీపీ అధినేత చంద్రబాబు ఆరోగ్యం కోసం మైలవరంలో ఆ పార్టీ సీనియర్ నేత దేవినేని ఉమా ప్రత్యేక పూజలు చేశారు.
ఎన్టీఆర్: టీడీపీ అధినేత చంద్రబాబు (TDP Chief Chandrababu) ఆరోగ్యం కోసం మైలవరంలో ఆ పార్టీ సీనియర్ నేత దేవినేని ఉమా (TDP Leader Devineni Uma) ప్రత్యేక పూజలు చేశారు. మైలవరం నియోజకవర్గంలో రిలే నిరాహార దీక్షలు ఆరవ రోజుకు చేరుకున్నాయి. వినాయక చవితి సందర్భంగా దీక్షా శిబిరంలోనే గణనాథుని ఏర్పాటు చేసి దేవినేని ఉమా, టీడీపీ నాయకులు ప్రత్యేక పూజలు చేశారు. నూజివీడు రోడ్డులో విఘ్నేశ్వర స్వామి వారి దేవస్థానంలో దేవినేని ఉమా ప్రత్యేక పూజలు నిర్వహించారు. ఈ సందర్భంగా మాజీ మంత్రి మాట్లాడుతూ.. విఘ్నేశ్వర స్వామి ఆశీస్సులు చంద్రబాబుపై ఉండాలన్నారు. రేపు ఉదయం 8 గంటలకు వన్ టౌన్ వినాయకుని గుడి వద్ద నుంచి అమ్మవారి గుడి వరకు జిల్లా నాయకులు అందరూ పాదయాత్రగా వెళ్లనున్నారన్నారు. శ్రీ దుర్గా మల్లేశ్వర స్వామి వారి ఆశీస్సులు చంద్రబాబుపై ఉండాలని అంతా మంచి జరగాలని కోరుకుంటున్నారన్నారు. దేవాలయాల్లో, మసీదుల్లో, చర్చల్లో చంద్రబాబు బాగుండాలని అందరూ ప్రార్థనలు చేస్తున్నారని తెలిపారు. అక్రమ కేసులో ఇరికించి చంద్రబాబును జైలు నాలుగు గోడల మధ్య బంధించారని మండిపడ్డారు. ప్రతిరోజు కష్టపడే మనిషిని లాకప్పులో తాళాలు వేసి ఎన్ని దుర్మార్గాలు చేయాలో అన్నీ చేస్తున్నారని ఆగ్రహం వ్యక్తం చేశారు. దేవుని, ప్రజల ఆశీస్సులతో అంతా మంచి జరిగి త్వరితగతిన బాబు బయటకు రావాలని కోరుకుంటున్నానని దేవినేని ఉమా పేర్కొన్నారు.
Updated Date - 2023-09-18T16:00:02+05:30 IST