TDP : చంద్రబాబు పేరుపై ఫేక్ లెటర్.. సీఐడీ చీఫ్‌ను కలవనున్న టీడీపీ బృందం..
ABN, First Publish Date - 2023-11-09T13:42:47+05:30
ఈ రోజు సాయంత్రం సీఐడీ చీఫ్ సంజయ్‍ను టీడీపీ బృందం కలవనుంది. టీడీపీ అధినేత చంద్రబాబు నాయుడు పేరు మీద ప్రచారంలో ఉన్న ఫేక్ లెటర్‌పై టీడీపీ బృందం ఫిర్యాదు చేయనుంది. ఈ రోజు ఉదయం సీఐడీ చీఫ్‌ను టీడీపీ బృందం అపాయింట్‍మెంట్ కోరింది
అమరావతి : ఈ రోజు సాయంత్రం సీఐడీ చీఫ్ సంజయ్‍ను టీడీపీ బృందం కలవనుంది. టీడీపీ అధినేత చంద్రబాబు నాయుడు పేరు మీద ప్రచారంలో ఉన్న ఫేక్ లెటర్‌పై టీడీపీ బృందం ఫిర్యాదు చేయనుంది. ఈ రోజు ఉదయం సీఐడీ చీఫ్‌ను టీడీపీ బృందం అపాయింట్‍మెంట్ కోరింది. అయితే ఇప్పటికీ ఆయన అపాయింమెంట్ ఖరారు కాలేదు. దీంతో టీడీపీ సీనియర్ నేత వర్ల రామయ్య అపాయింట్‍మెంట్ కోసం ఎదురుచూస్తున్నారు.
‘కమ్మ సామాజికవర్గ ప్రజలకు విజ్ఞప్తి’ అంటూ.. చంద్రబాబు పేరుతో ఓ ఫేక్ లెటర్‌ను కొందరు సోషల్ మీడియాలో వైరల్ చేస్తున్నారు. తెలంగాణ ఎన్నికలకు దూరంగా ఉండాలని టీడీపీ నిర్ణయించింది. ఈ తరుణంలో ఇలాంటి లేఖ వైరల్ కావడంపై టీడీపీ మండిపడుతోంది. ఇలాంటి లేఖలను నమ్మవద్దని.. టీడీపీ ఏ పార్టీకీ మద్దతు ఇవ్వడం లేదని టీడీపీ ఏపీ రాష్ట్ర అధ్యక్షుడు అచ్చెన్నాయుడు సైతం వెల్లడించారు.
Updated Date - 2023-11-09T13:42:49+05:30 IST