TDP: ఘనంగా టీడీపీ మహానాడు.. తరలివచ్చిన లక్ష మంది కార్యకర్తలు
ABN, First Publish Date - 2023-05-27T15:47:17+05:30
టీడీపీ మహానాడు (TDP Mahanadu) వేడుకలను ఘనంగా నిర్వహించారు. టీడీపీ (TDP) మహానాడుకు 20 వేల మందికి పైగా ప్రతినిధులు హాజరయ్యారు.
రాజమండ్రి: టీడీపీ మహానాడు (TDP Mahanadu) వేడుకలను ఘనంగా నిర్వహించారు. టీడీపీ (TDP) మహానాడుకు 20 వేల మందికి పైగా ప్రతినిధులు హాజరయ్యారు. తెలుగు రాష్ట్రాల నుంచి లక్ష మంది కార్యకర్తలు తరలివచ్చారు. ఆర్టీసీ, ప్రైవేట్ బస్సులు లేకుండా వైసీపీ ప్రభుత్వం చేసిందని టీడీపీ నేతలు ఆరోపిస్తున్నారు. అయినా జగన్‌ ప్రభుత్వ ఆంక్షలు మహానాడుపై పనిచేయలేదని టీడీపీ నేతలు అన్నారు. టూవీలర్స్, కార్లలో పెద్దఎత్తున టీడీపీ కార్యకర్తలు తరలివచ్చారు.
తెలుగుదేశం పార్టీ రాష్ట్ర మహానాడు (Mahanadu) వేడుకలు శనివారం రాజమండ్రిలో ప్రారంభమయ్యాయి. ఈ కార్యక్రమంలో టీడీపీ జాతీయ అధ్యక్షుడు నారా చంద్రబాబు నాయుడు (Chandrababunaidu) పాల్గొన్నారు. ఈ సందర్భంగా ఆయన మాట్లాడుతూ ఎన్టీఆర్‌ శతజయంతి వేడుకలు (NTR Centenary Celebrations) ఘనంగా నిర్వహించామన్నారు. క్రీస్తు శకం మాదిరిగా ఎన్టీఆర్‌ శకం ప్రారంభమవుతుందని, తెలుగుజాతి ఆత్మగౌరవాన్ని ఎన్టీఆర్‌ ప్రపంచానికి చాటి చెప్పారన్నారు. ఎన్టీఆర్‌ వారసత్వాన్ని భావితరాలకు అందించాల్సి ఉందని, రాజమండ్రిని పుష్కర వేళ రాజమహేంద్రవరంగా పేరు మార్చామని చంద్రబాబు తెలిపారు.
Updated Date - 2023-05-27T15:57:11+05:30 IST