Anantapur: టైరుపేలి బస్సు దగ్ధం.. ప్రయాణికులు సురక్షితం
ABN, First Publish Date - 2023-04-15T20:26:39+05:30
అనంతపురం (Anantapur) జిల్లా శింగనమల సమీపంలో శనివారం తెల్లవారు జామున ఓ ప్రైవేటు బస్సు దగ్ధమైంది. బస్సు టైరు పేలడంతో మంటలు చెలరేగాయి.
శింగనమల: అనంతపురం (Anantapur) జిల్లా శింగనమల సమీపంలో శనివారం తెల్లవారు జామున ఓ ప్రైవేటు బస్సు దగ్ధమైంది. బస్సు టైరు పేలడంతో మంటలు చెలరేగాయి. డ్రైవర్‌ అప్రమత్తమై ప్రయాణికులను దించేయడంతో పెను ప్రమాదం తప్పింది. బెంగూళూరు (Bangalore) నుంచి నంద్యాల జిల్లా బనగానపల్లె (Banaganapalle)కు శుక్రవారం రాత్రి ఓ ప్రైవేట్‌ ట్రావెల్‌ బస్సు 20 మంది ప్రయాణికులతో బయలుదేరింది. అనంతపురం-తాడిపత్రి రహదారిలో శింగనమల మరవకొమ్మవద్ద శనివారం తెల్లవారుజామున 3.30 గంటల సమయంలో బస్సు టైరు ఒక్కసారిగా పేలిపోయింది. ఈ క్రమంలో టైరుకు నిప్పు రాజుకుని మంటలు చెలరేగాయి. వెంటనే అపమత్తమైన డ్రెవర్‌, బస్సు నిలబెట్టారు. గాఢనిద్రలో ఉన్న ప్రయాణికులను తట్టిలేపి కిందకు దించేశారు. ఆ తరువాత 10 నిమిషల్లో బస్సుకు పూర్తిస్థాయిలో మంటలు వ్యాంపించాయి. ఫైర్‌ సిబ్బంది వచ్చి మంటలు ఆపేలోపై బస్సు పూర్తిగా దగ్ధమైంది. ప్రయాణికులు సురక్షితంగా బయట పడటంతో అందరూ ఊపిరి పీల్చుకున్నారు. ప్రాణాలను కాపాడిన డ్రైవర్‌కు ప్రయాణికులు కృతజ్ఞతలు తెలిపారు. కేసు నమోదు చేసుకొని పోలీసులు దర్యాప్తు చేస్తున్నారు.
Updated Date - 2023-04-15T20:26:44+05:30 IST