AP News: జగన్ పాలనలో రాష్ట్రం రావణకాష్టంగా మారింది: కేఏ పాల్‌
ABN, First Publish Date - 2023-06-23T19:38:59+05:30
సీఎం జగన్ (CM Jagan) నాలుగేళ్ల పాలనలో రాష్ట్రం రావణకాష్టంగా మారిందని ప్రజాశాంతి పార్టీ వ్యవస్థాపకులు కేఏ పాల్‌ (KA Paul) విమర్శించారు.
అనంతపురం: సీఎం జగన్ (CM Jagan) నాలుగేళ్ల పాలనలో రాష్ట్రం రావణకాష్టంగా మారిందని ప్రజాశాంతి పార్టీ వ్యవస్థాపకులు కేఏ పాల్‌ (KA Paul) విమర్శించారు. రాష్ట్రంలో అన్ని వ్యవస్థలు నిర్వీర్యమయ్యాయని ధ్వజమెత్తారు. విద్య, వైద్యం సామాన్యులకు అందుబాటులో లేకుండాపోయాయని దుయ్యబట్టారు. రోడ్లు సరిగా లేవంటేనే రాష్ట్రంలో అభివృద్ధి ఏపాటిదో అర్థమౌతోందని అన్నారు. రైతులు, చేనేత కార్మికుల ఆత్మహత్యలు పెరిగిపోయాయని విచారం వ్యక్తం చేశారు. రాష్ట్రంలో అభివృద్ధి ఒకటి రెండు శాతం మాత్రమే జరిగిందని తెలిపారు. నెలనెలా ఉద్యోగులకు జీతాలివ్వలేని పరిస్థితిలో రాష్ట్ర ప్రభుత్వం ఉండటం దారుణమన్నారు. జగన్ పాలనలో రాష్ట్రం సర్వనాశనమైపోయిందని మండిపడ్డారు. దమ్ముంటే అభివృద్ధిపై తనతో ఎవరైనా డిబెట్‌కు రావొచ్చని కేఏ పాల్‌ సవాల్‌ విసిరారు.
Updated Date - 2023-06-23T19:38:59+05:30 IST