Bandaru: చంద్రబాబు విడుదల కావాలని సింహాచలంకు వస్తే అరెస్ట్ చేస్తారా?
ABN, First Publish Date - 2023-09-19T10:30:57+05:30
మాజీ మంత్రి బండారు సత్యనారాయణమూర్తిని సింహాచలం తొలపాంచ వద్ద పోలీసులు అరెస్ట్ చేసి స్టేషన్‌కు తరలించారు.
విశాఖపట్నం: మాజీ మంత్రి బండారు సత్యనారాయణమూర్తిని (TDP Leader Bandaru Satyanarayana Murthy) సింహాచలం తొలపాంచ వద్ద పోలీసులు అరెస్ట్ చేసి స్టేషన్‌కు తరలించారు. ఈ రాష్ట్ర ప్రభుత్వాన్ని కాపాడు స్వామి అంటూ కన్నీటితో స్వామివారిని బండారు వేడుకున్నారు. సింహాచలం కొండమీద కూడా 144 సెక్షన్ అమలు చేస్తున్నారా అంటూ పోలీసులతో మాజీ మంత్రి వాదనకు దిగారు. జైల్లో చంద్రబాబు నాయుడు ఆరోగ్యం బాగుండాలని ఆయన త్వరగా విడుదల కావాలని కోరుకోవడానికి సింహాచలం వస్తే పోలీసులు తమను అరెస్ట్ చేయడం చాలా దారుణమని మండిపడ్డారు. ‘‘మీ ఇంటిలో వల్లలాగా మీ భార్యకో దేవుడు, మీ కూతురుకు ఒక దేవుడు, నీకు ఒక దేవుడు లాగా కాకుండా మా అందరికీ ఒకటే దేవుడు ఆ ఏడుకొండలవాడు. నిన్న ఏడుకొండల స్వామికి సతీసమేతంగా పట్టు వస్త్రాల సమర్పించవలసిన నువ్వు ఒక్కడివే స్వామి వారికి పట్టు వస్త్రాలు సమర్పించడం హిందూ దేవుళ్ళ మీద నీకు ఎంత నమ్మకంతో అర్థమవుతుంది’’ అంటూ బండారు సత్యనారాయణ మూర్తి వ్యాఖ్యలు చేశారు.
Updated Date - 2023-09-19T10:30:57+05:30 IST