Road Accident: పశ్చిమగోదావరి జిల్లాలో ఘోర రోడ్డు ప్రమాదం
ABN, First Publish Date - 2023-04-29T11:14:50+05:30
ప.గో.జిల్లా: ఉంగుటూరు మండలం. చేబ్రోలు జాతీయ రహదారి వద్ద శనివారం తెల్లవారుజామున ఘోర రోడ్డు ప్రమాదం (Road Accident) జరిగింది. కారు చెట్టును ఢీ కొంది.
ప.గో.జిల్లా: ఉంగుటూరు మండలం, చేబ్రోలు జాతీయ రహదారి వద్ద శనివారం తెల్లవారుజామున ఘోర రోడ్డు ప్రమాదం (Road Accident) జరిగింది. కారు చెట్టును ఢీ కొంది. ఈ ఘటనలో మహిళ అక్కడికక్కడే మృతి చెందింది. వివరాల్లోకి వెళితే.. తాడేపల్లిగూడెం హార్టీకల్చర్ యూనివర్శిటీ వైస్ ఛాన్సలర్ జానకీరామ్ తన భార్యతో కలిసి కడప దగ్గర అనంతరాజు పేట కళాశాల భవనం ప్రారంభోత్సవానికి వెళ్లారు. అనంతరం తిరిగి వస్తుండగా డ్రైవర్ నిద్రమత్తులో చెట్టును ఢీ కొన్నాడు. ఈ ప్రమాదంలో జానకీరామ్ భార్య అక్కడికక్కడే మృతి చెందగా... ఆయనకు తీవ్ర గాయాలు అయ్యాయి. డ్రైవర్ కూడా తీవ్రంగా గాయపడ్డాడు. ఆయన పరిస్థితి విషమంగా ఉన్నట్లు సమాచారం. గాయలపాలైన వైస్ ఛాన్సలర్ జానకీరామ్‌ను తాడేపల్లిగూడెం ఏరియా ఆసుపత్రికి తరలించారు. డ్రైవర్‌ను రాజమండ్రి ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు. పూర్తి సమాచారం అందవలసి ఉంది.
Updated Date - 2023-04-29T11:14:50+05:30 IST