TDP: నారా లోకేష్ పాదయాత్ర విజయవంతం కావాలని వెంకటేశ్వర స్వామికి పూజలు
ABN, First Publish Date - 2023-01-25T19:02:09+05:30
టీడీపీ జాతీయ ప్రధాన కార్యదర్శి నారా లోకేష్ పాదయాత్ర ఏ ఆటంకం లేకుండా సాగాలని కోరుతూ..
ద్వారకాతిరుమల: టీడీపీ జాతీయ ప్రధాన కార్యదర్శి నారా లోకేష్ (Nara Lokesh) తలపెట్టిన 400 రోజుల యువగళం పాదయాత్ర ఏ ఆటంకం లేకుండా సాగాలని కోరుతూ శ్రీవెంకటేశ్వర స్వామికి టీడీపీ (TDP) నేత గంటా మురళి ప్రత్యేక పూజలు నిర్వహించారు.
చింతలపూడి నియోజవర్గం టీడీపీ నేత గంటా మురళి (Ganta Murali) ఆధ్వర్యంలో కార్యకర్తలు బైక్‌లపై భారీ ర్యాలీగా ద్వారకాతిరుమల శ్రీవారి క్షేత్రానికి చేరుకున్నారు. నాలుగు వేల కిలోమీటర్ల మేర పాదయాత్ర చేస్తున్న లోకేష్‌కు ఆ భగవంతుడు సంపూర్ణ ఆరోగ్యం ఇవ్వాలని కోరారు. స్వామి ఆశీస్సులు లోకేష్‌కు ఎల్లవేళలా అందాలని ఆకాంక్షించారు.
పోలవరం, రాజధాని, యువతకు ఉద్యోగావకాశాలు రావాలంటే చంద్రబాబు ప్రభుత్వం అధికారంలోకి రావాలన్నారు. చింతలపూడి నియోజకవర్గం నుంచి పెద్ద ఎత్తున మోటార్ సైకిళ్లపై వచ్చిన నేతలు, కార్యకర్తలకు గోపాలపురం నియోజకవర్గ ఇంఛార్జి మద్దిపాటి వెంకటరాజు తదితరులు ఆలయం వద్ద ఘన స్వాగతం పలికారు. టీడీపీ నేతలు, కార్యకర్తలు స్వామి అమ్మవార్ల దర్శనం చేసుకుని పూజలు చేశారు.
Updated Date - 2023-01-25T19:11:43+05:30 IST