YCP Minister: మంత్రి ఆదిమూలపు సురేష్ మెప్పు కోసం విద్యార్థినులతో డ్యాన్స్‌లు..
ABN, First Publish Date - 2023-07-30T21:13:09+05:30
సభా వేదికపై దోర్నాల ఏకలవ్య మోడల్ స్కూల్ విద్యార్థినులు వైసీపీ, జగన్ పాటలకు డ్యాన్సులు వేశారు.
ప్రకాశం: ఎర్రగొండపాలెం వైసీపీ ఎమ్మెల్యే (YCP MLA), మంత్రి ఆదిమూలపు సురేష్ (Minister Adimulapu Suresh) మెప్పుకోసం వైసీపీ నేతలు విద్యార్థినులతో డ్యాన్స్‌లు (students Dances) వేయించారు. దోర్నాల మండలం కటకానిపల్లిలో మంత్రి ఆదిమూలపు సురేష్ మెప్పుకోసం ఏకలవ్య మోడల్ స్కూల్ ప్రిన్సిపాల్, వైసీపీ నాయకులు తాపత్రయపడ్డారు.
మంత్రి సురేష్ గడపగడపకు మన ప్రభుత్వం కార్యక్రమాన్ని చేపట్టి 100 రోజులు పూర్తి చేసుకున్న సందర్భంగా వైసీపీ నేతలు బహిరంగ సభ ఏర్పాటు చేశారు. సభా వేదికపై దోర్నాల ఏకలవ్య మోడల్ స్కూల్ విద్యార్థినులు వైసీపీ, జగన్ పాటలకు డ్యాన్సులు వేశారు. విద్యార్థినిలు డ్యాన్సులు చేస్తుంటే వైసీపీ నాయకులు, కార్యకర్తలు ఈలలతో రెచ్చిపోయారు. ఏకలవ్య మోడల్ స్కూల్ విద్యార్థినులతో డ్యాన్స్‌లు చేయించడంపై పెద్ద ఎత్తున విమర్శలు వెల్లువెత్తుతున్నాయి.
Updated Date - 2023-07-30T21:13:29+05:30 IST