SBI: డిగ్రీ అర్హతతో ఎస్‌బీఐలో కొలువులు.. ఖాళీలెన్నంటే..!
ABN, First Publish Date - 2023-11-20T14:20:01+05:30
స్టేట్‌ బ్యాంక్‌ ఆఫ్‌ ఇండియా(ఎ్‌సబీఐ)... జూనియర్‌ అసోసియేట్‌(క్లరికల్‌ కేడర్‌) పోస్టుల భర్తీకి నోటిఫికేషన్‌ విడుదల చేసింది.
ఎస్‌బీఐలో 8,283 జూనియర్‌ అసోసియేట్‌ ఖాళీలు
స్టేట్‌ బ్యాంక్‌ ఆఫ్‌ ఇండియా(ఎ్‌సబీఐ)... జూనియర్‌ అసోసియేట్‌(క్లరికల్‌ కేడర్‌) పోస్టుల భర్తీకి నోటిఫికేషన్‌ విడుదల చేసింది.
హైదరాబాద్‌ సర్కిల్‌లో 525; అమరావతి సర్కిల్‌లో 50 ఖాళీలున్నాయి.
పోస్టు: జూనియర్‌ అసోసియేట్స్‌(కస్టమర్‌ సపోర్ట్‌ అండ్‌ సేల్స్‌)
రాష్ట్రాల వారీగా ఖాళీలు
1. ఉత్తరప్రదేశ్‌: 1781 2. ఆంధ్రప్రదేశ్: 50
3. మధ్యప్రదేశ్‌: 288 4. రాజస్థాన్‌: 940
5. ఢిల్లీ: 437 6. ఉత్తరాఖండ్‌: 212
7. ఛత్తీ్‌సగఢ్‌: 212 8. తెలంగాణ: 525
9. అండమాన్‌ అండ్‌ నికోబార్‌ దీవులు: 20
10. హిమాచల్‌ప్రదేశ్‌: 180 11. హరియాణా: 267
12. జమ్మూ అండ్‌ కశ్మీర్‌: 88 13. ఒడిశా: 72
14. పంజాబ్‌: 180 15. సిక్కిం: 4
16. తమిళనాడు: 171 17. పుదుచ్చేరి: 4
18. పశ్చిమ బెంగాల్‌: 114 19. కేరళ: 47
20. లక్షద్వీప్‌: 3 21. మహారాష్ట్ర: 100
22. అసోం: 430 23. అరుణాచల్‌ప్రదేశ్‌: 69
24. మణిపూర్‌: 26 25. మేఘాలయ: 77
26. మిజోరం: 17 27. నాగాలాండ్‌: 40
28. త్రిపుర: 26 29. గుజరాత్‌: 820
30. కర్ణాటక: 450 31. లడఖ్‌: 50
32. బిహార్‌: 415 33. ఝార్ఖండ్‌: 165
విద్యార్హత: ఏదైనా విభాగంలో గ్రాడ్యుయేషన్‌/తత్సమానం ఉత్తీర్ణులై ఉండాలి. డిగ్రీ ఫైనల్‌/చివరి సెమిస్టర్‌ విద్యార్థులు కూడా దరఖాస్తు చేసుకోవచ్చు.
వయసు: 2023 ఏప్రిల్‌ 1 నాటికి 20 ఏళ్ల నుంచి 28 ఏళ్ల మధ్య ఉండాలి. ఎస్సీ/ఎస్టీలకు ఐదేళ్లు, ఓబీసీలకు మూడేళ్లు, పీడబ్ల్యూడీ(జనరల్‌/ఈడబ్ల్యూఎస్‌) అభ్యర్థులకు పదేళ్లు గరిష్ఠ వయోపరిమితిలో సడలింపు ఉంటుంది.
బేసిక్‌ పే: నెలకు రూ.19,900
ఎంపిక విధానం: ఆన్‌లైన్‌ టెస్ట్‌(ప్రిలిమినరీ, మెయిన్‌ ఎగ్జామ్‌), స్థానిక భాష పరీక్ష ద్వారా ఎంపిక చేస్తారు.
ప్రిలిమినరీ పరీక్ష: 100 మార్కులకు ఆబ్జెక్టివ్‌ టైప్‌ విధానంలో నిర్వహిస్తారు. ఈ పరీక్షలో మూడు విభాగాలు ఉంటాయి. ఇంగ్లీష్‌ లాంగ్వేజ్‌ 30 ప్రశ్నలు- 30 మార్కులకు; న్యూమరికల్‌ ఎబిలిటీ 35 ప్రశ్నలు- 35 మార్కులకు; రీజనింగ్‌ ఎబిలిటీ 35 ప్రశ్నలు- 35 మార్కులకు ఇస్తారు. పరీక్ష సమయం ఒక గంట. నెగెటివ్‌ మార్కుల విధానం అమల్లో ఉంటుంది. తప్పుగా గుర్తించిన ప్రతి సమాధానానికి 1/4 మార్కు కోత విధిస్తారు. ప్రిలిమినరీ పరీక్షలో సాధించిన మార్కుల ఆధారంగా మెయిన్‌ ఎగ్జామ్‌కు ఎంపికవుతారు.
మెయిన్‌ ఎగ్జామ్‌: ఈ పరీక్షను 200 మార్కులకు నిర్వహిస్తారు. మొత్తం 190 ప్రశ్నలు ఉంటాయి. జనరల్‌/ఫైనాన్షియల్‌ అవేర్‌నెస్‌ 50 ప్రశ్నలు - 50 మార్కులకు; జనరల్‌ ఇంగ్లీష్‌ 40 ప్రశ్నలు- 40 మార్కులకు; క్వాంటిటేటివ్‌ ఆప్టిట్యూడ్‌ 50 ప్రశ్నలు- 50 మార్కులకు; రీజనింగ్‌ ఎబిలిటీ అండ్‌ కంప్యూటర్‌ ఆప్టిట్యూడ్‌ 50 ప్రశ్నలు- 60 మార్కులకు ఇస్తారు. పరీక్ష సమయం రెండు గంటల 40 నిమిషాలు.
తెలుగు రాష్ట్రాల్లో పరీక్ష కేంద్రాలు: అనంతపూర్‌, భీమవరం, చీరాల, గూడూరు, గుంటూరు, కడప, కాకినాడ, కర్నూలు, నంద్యాల, నరసరావుపేట, నెల్లూరు, రాజమహేంద్రవరం, రాజంపేట, శ్రీకాకుళం, తాడేపల్లిగూడెం, తిరుపతి, విజయవాడ, విశాఖపట్నం, విజయనగరం, హైదరాబాద్‌, కరీంనగర్‌, ఖమ్మం, మహబూబ్‌నగర్‌, నల్లగొండ, వరంగల్‌.
దరఖాస్తు: ఆన్‌లైన్‌లో దరఖాస్తు చేసుకోవాలి
దరఖాస్తు ఫీజు: ఎస్సీ, ఎస్టీ, పీడబ్ల్యూడీ అభ్యర్థులకు ఫీజు లేదు. ఇతరులు రూ.750 చెల్లించాలి.
ఆన్‌లైన్‌ దరఖాస్తులకు చివరి తేదీ: డిసెంబరు 7
ప్రిలిమినరీ పరీక్ష: 2024 జనవరి
మెయిన్‌ ఎగ్జామ్‌: 2024 ఫిబ్రవరి
వెబ్‌సైట్‌: https://sbi.co.in/web/careers/currentopenings
Updated Date - 2023-11-20T14:20:03+05:30 IST