Womens Health: ఈ పోషకాలు తీసుకుంటున్నారా?
ABN, First Publish Date - 2023-01-03T15:10:53+05:30
మహిళల(Womens)కు పోషకాల అవసరం ఎక్కువ. మరీ ముఖ్యంగా కొన్ని శరీర జీవక్రియల కోసం కొన్ని కీలక పోషకాల లోపం ఏర్పడకుండా చూసుకోవాలి. అవేంటంటే...
మహిళల(Womens)కు పోషకాల అవసరం ఎక్కువ. మరీ ముఖ్యంగా కొన్ని శరీర జీవక్రియల కోసం కొన్ని కీలక పోషకాల లోపం ఏర్పడకుండా చూసుకోవాలి. అవేంటంటే...
ఐరన్‌: శక్తి భాండాగారమిది. శరీరమంతా ఆక్సిజన్‌(Oxygen) ప్రసారానికి ఈ పోషకం అవసరం. రోగనిరోధకశక్తి(Immunity)కి దన్నుగా ఉండి, కండరాల పనితీరును క్రమపరిచే ఐరన్‌ లోపం ఏర్పడకుండా చూసుకోవాలి. ఇందుకోసం ఆకుకూరలు, మాంసాహారం సరిపడా తీసుకుంటూ ఉండాలి.
బయోటిన్‌: చర్మం(skin), వెంట్రుకలు(hair), గోళ్ల ఆరోగ్యానికి ఈ పోషకం అవసరం. నాడుల పనితీరు మెరుగ్గా ఉండాలన్నా, జీర్ణ వ్యవస్థ, గుండె(heart) పనితీరు సక్రమంగా సాగాలన్నా, మెటబాలిజం సమర్ధంగా ఉండాలన్నా బయోటిన్‌ సమృద్ధిగా ఉండే గుడ్లు, చిక్కుళ్లు, నట్స్‌, సీడ్స్‌, చిలకడ దుంపలు, మష్రూమ్స్‌ తింటూ ఉండాలి.
మెగ్నీషియం: గుండె ఆరోగ్యాన్ని మెరుగుపరుస్తుంది. భావోద్వేగాలను అదుపులో ఉంచుతుంది. నెలసరి నొప్పులను తగ్గిస్తుంది. కండరాల బలహీనతను తొలగిస్తుంది. కాబట్టి మెగ్నీషియంతో కూడిన అరటిపండ్లు, అవకాడొ, పాలకూర, గుమ్మడి విత్తనాలు, సబ్జా గింజలు, బాదం, జీడిపప్పు, సోయా తింటూ ఉండాలి.
బి12: మెదడు సక్రమ పనితీరుకు బి12 అవసరం. నాడీ వ్యవస్థ మెరుగ్గా ఉండాలన్నా, రక్తకణాల సంఖ్య పెరిగి, శక్తి సమకూరాలన్నా బి12 దొరికే మాంసాహారం, పాల ఉత్పత్తులు సరిపడా తీసుకుంటూ ఉండాలి.
క్యాల్షియం: ఎముకల పటుత్వానికి క్యాల్షియం అవసరం. గుండె, నాడులు, కండరాల పనితీరుకు తోడ్పడే క్యాల్షియం కోసం పాల ఉత్పత్తులు, నువ్వులు తీసుకుంటూ ఉండాలి.
విటమిన్‌ డి: మెదడు, కండరాలు, ఇమ్యూనిటీలకు విటమిన్‌ డి అవసరం. ఈ విటమిన్‌ కోసం గుడ్లు, చేపలు, పాలు, నారింజ రసం, జున్ను, సోయా తీసుకుంటూ ఉండాలి.
Updated Date - 2023-01-03T15:10:55+05:30 IST