Arvind Kejriwal: మాన్‌పై కేజ్రీవాల్ ప్రశంసల జల్లు.. శాంతి భద్రతలు భేషని కితాబు
ABN, First Publish Date - 2023-04-05T22:13:53+05:30
పశ్చిమబెంగాల్, బీహార్‌లో శ్రీరామనవమి సందర్భంగా అల్లర్లు జరగడాన్ని ఉదహరిస్తూ పంజాబ్‌లో ఏ అల్లర్లూ జరగకుండా చూశారని చెప్పారు.
అమృత్‌సర్: పంజాబ్ ముఖ్యమంత్రి భగవంత్‌మాన్‌పై (Punjab CM Bhagwant Mann) ఆమ్ ఆద్మీ పార్టీ (AAP) అధినేత, ఢిల్లీ ముఖ్యమంత్రి అరవింద్ కేజ్రీవాల్ (Arvind Kejriwal) ప్రశంసలు కురిపించారు. శ్రీరామనవమి పండుగను(Ram Navami) ప్రశాంతంగా నిర్వహించారని కితాబునిచ్చారు. పశ్చిమబెంగాల్, బీహార్‌లో శ్రీరామనవమి సందర్భంగా అల్లర్లు జరగడాన్ని ఉదహరిస్తూ పంజాబ్‌లో ఏ అల్లర్లూ జరగకుండా చూశారని చెప్పారు. పంజాబ్‌లో మాన్ శాంతి భద్రతల నిర్వహణ బాగా చేస్తున్నారని కేజ్రీవాల్ చెప్పారు. ఆయన గురువారం మాన్‌తో కలిసి అమృత్‌సర్, పటియాలా, లూధియానా, ఫగ్వారా ప్రాంతాల్లో సీఎం ది యోగశాల కార్యక్రమాన్ని ప్రారంభించారు.
యూపీఎస్‌సీ (UPSC) పరీక్షలకు ప్రిపేర్ అయ్యేవారి కోసం పది ప్రత్యేక ఉచిత కోచింగ్ సెంటర్లు తెరవాలని కూడా మాన్ నిర్ణయించారు.
Updated Date - 2023-04-05T22:30:17+05:30 IST