Ballari: జగన్‌రెడ్డికి వినిపించేలా మోత మోగిద్దాం...
ABN, First Publish Date - 2023-10-01T10:54:09+05:30
ఆంధ్రప్రదేశ్ ముఖ్యమంత్రి జగన్‌రెడ్డి(Andhra Pradesh Chief Minister Jagan Reddy)కి వినిపించేలా మోత మోగిద్దామని పలువురు టీడీపీ
బళ్లారి(బెంగళూరు), (ఆంధ్రజ్యోతి): ఆంధ్రప్రదేశ్ ముఖ్యమంత్రి జగన్‌రెడ్డి(Andhra Pradesh Chief Minister Jagan Reddy)కి వినిపించేలా మోత మోగిద్దామని పలువురు టీడీపీ అభిమానులు పేర్కొన్నారు. ‘మోత మోగిద్దాం’ కార్యాక్రమంలో భాగంగా బళ్లారి, సిరుగుప్ప, సింధనూరు, గంగావతి, కంప్లి, విజయనగర, హగరిబొమ్మనహళ్‌, కారటగి, మన్వి, మస్కి, గాంధీనగర్‌, శ్రీరామనగర్‌ తదితర ప్రాంతాల్లో చంద్రబాబుకు మద్దతుగా ప్రవాసాంధ్రులు, టీడీపీ అభిమానులు మోత మోగించారు. శనివారం రాత్రి 7 గంటల నుంచి 7.15 మధ్యలో వారికి అందుబాటులో ఉన్న పరికరాలు మోగిస్తూ చంద్రబాబుకు మద్దతి తెలిపారు. మహిళలు, యువకులు, రైతులు, ఇలా అన్ని వర్గాల ప్రజలు వారికి అందుబాటులో ఉండే ప్లేట్లు, బెలూన్లు, ఇతర పరికరాలతో శబ్దం చేశారు. బళ్లారి సుధా సర్కిల్‌ వద్దకు పెద్ద ఎత్తున చేరుకుని పీపీలు ఊదుతూ శబ్దం చేశారు. జగన్‌ బాబూ చూడు మోత అంటూ నినాదాలు చేశారు. మరి కొందరు ఇళ్లలోనే ప్లేట్లు వాయించారు.
Updated Date - 2023-10-01T10:54:09+05:30 IST