BJP state president: 4నుంచి బీజేపీ రాష్ట్ర చీఫ్ పాదయాత్ర
ABN, First Publish Date - 2023-09-01T11:12:56+05:30
బీజేపీ రాష్ట్ర నిర్వాహకులు, జిల్లా అధ్యక్షుల సమావేశం గురువారం స్థానిక టి.నగర్‌లోని పార్టీ ప్రధాన కార్యాలయం
పెరంబూర్‌(చెన్నై): బీజేపీ రాష్ట్ర నిర్వాహకులు, జిల్లా అధ్యక్షుల సమావేశం గురువారం స్థానిక టి.నగర్‌లోని పార్టీ ప్రధాన కార్యాలయం కమలాలయంలో జరిగింది. రాష్ట్ర అధ్యక్షుడు అన్నామలై(State President Annamalai) నేతృత్వంలో జరిగిన సమావేశంలో, తెన్‌కాశి నుంచి ‘ఎన్‌ మన్‌ ఎన్‌ మక్కల్‌’ పేరిట చేపట్టనున్న రెండో విడత పాదయాత్రపై చర్చించారు. ఈ పాదయాత్ర 29వ తేది కోవై సింగానల్లూర్‌లో ముగియనుంది. అలాగే, చంద్రయాన్‌-3 విజయానికి కృషి చేసిన ఇస్రో శాస్త్రవేత్తలకు కృతజ్ఞతలు తెలుపుతూ తీర్మానించారు. గత 2021 దీపావళి రోజున పెట్రోల్‌ ధరలు తగ్గించగా, ఈ ఏడాది రక్షాబంధన్‌కు గ్యాస్‌ సిలిండర్‌ ధర రూ.200 తగ్గించారని, ఎన్నికల కోసం ఇదంతా చేయడం లేదన్నారు. ఓ కుటుంబసభ్యుడిగా దేశప్రజల అవసరాలు తీరుస్తున్న ప్రధానమంత్రి మోదీకి మహిళల తరఫున కృతజ్ఞతలు తెలుపుతూ సమావేశంలో మరో తీర్మానం చేసినట్లు పార్టీ వర్గాలు తెలిపాయి.
Updated Date - 2023-09-01T11:12:58+05:30 IST