BJP state president: బీజేపీ రాష్ట్ర చీఫ్‌ సంచలన కామెంట్స్.. ఆయన ఏమన్నారో తెలిస్తే..
ABN, First Publish Date - 2023-07-06T07:51:24+05:30
రాష్ట్ర ప్రథమ పౌరుడు రాజకీయాలు మాట్లాడకుండా ఆయన బాధ్యతలు మాత్రమే సక్రమంగా నెరవేర్చాలని బీజేపీ రాష్ట్ర అధ్యక్షుడు అన్నామలై(BJP state p
ప్యారీస్‌(చెన్నై): రాష్ట్ర ప్రథమ పౌరుడు రాజకీయాలు మాట్లాడకుండా ఆయన బాధ్యతలు మాత్రమే సక్రమంగా నెరవేర్చాలని బీజేపీ రాష్ట్ర అధ్యక్షుడు అన్నామలై(BJP state president Annamalai) పేర్కొన్నారు. విల్లుపురం జిల్లా దిండివనంలో పేద కుటుంబాలకు చెందిన 39 జంటలకు బుధవారం అన్నామలై నేతృత్వంలో వివాహం ఘనంగా జరిగింది. ఈ సందర్భంగా అన్నామలై మీడియాతో మాట్లాడుతూ... ఒక్కో రాజకీయ పార్టీకి ఒక్కో సిద్ధాంతం ఉంటుందన్నారు. ఇక సిద్ధాంతపరంగా అన్నాడీఎంకే, బీజేపీ(AIADMK, BJP)ల మధ్య విభేధాలు ఉన్నాయన్నారు. ఉమ్మడి పౌర స్మృతి చట్టం వల్ల అందరికీ మేలు జరుగుతుందని, ముఖ్యంగా మైనార్టీల సంక్షేమం కోసమే కేంద్రప్రభుత్వం ఈ చట్టాన్ని రూపొందించిందన్నారు. మతాలను, కులాలను వేరు చేయడానికి ఈ చట్టాన్ని రూపొందించలేదని, అందువల్ల అభిప్రాయబేధాలు పక్కనపెట్టి అఖిలపక్షాలు కలసి ఈ చట్టానికి మద్దతు తెలియజేయాలని అన్నామలై కోరారు.
Updated Date - 2023-07-06T07:51:24+05:30 IST