Former CM: ఈ మంతనాల వెనుక ఉన్న మతలబు ఏమిటో.. రిసార్టులో ఎమ్మెల్యేలతో మాజీసీఎం..
ABN, First Publish Date - 2023-11-19T12:30:05+05:30
రాజకీయ పరిణామాలు భిన్నమైన స్థితిలో సాగుతున్న తరుణంలో జేడీఎస్‌ పార్టీ రాష్ట్ర అధ్యక్షుడు, మాజీసీఎం కుమారస్వామి
బెంగళూరు, (ఆంధ్రజ్యోతి): రాజకీయ పరిణామాలు భిన్నమైన స్థితిలో సాగుతున్న తరుణంలో జేడీఎస్‌ పార్టీ రాష్ట్ర అధ్యక్షుడు, మాజీసీఎం కుమారస్వామి(Former CM Kumaraswamy) ఎమ్మెల్యేలతో రహస్య మంతనాలు సాగించారు. శనివారం చిక్కమగళూరు పరిధిలోని ఓ రిసార్టుకు చేరుకున్నారు. శాసనసభ్యులు మినహా మిగిలిన ఎవరికీ అనుమతి లేదని స్పష్టం చేశారు. ఉదయం 11 గంటలకు కుమారస్వామి రిసార్టుకు చేరుకోగా మధ్యాహ్నం తర్వాత దాదాపు ఎమ్మెల్యేలందరూ రిసార్టుకు వచ్చారు. బీజేపీతో పొత్తు, మరో పది రోజుల్లో బెళగావిలో జరిగే శాసనసభ శీతాకాల సమావేశాలు, పార్టీ ఎమ్మెల్యేలను కాంగ్రెస్లోకి చేర్చుకునేందుకు సాగుతున్న కుట్రలపై సుదీర్ఘంగా చర్చించేందుకే రిసార్టుకు వెళ్లారు. వారం క్రితమే రిసార్టు భేటీ ఖరారైంది. ఆదివారం పార్టీ ఎమ్మెల్సీ భోజేగౌడ కుమార్తె వివాహ నిశ్చితార్థంలో కుమారస్వామి సహా ఎమ్మెల్యేలందరూ పాల్గొననున్నారు.
Updated Date - 2023-11-19T12:30:07+05:30 IST