Heavy Rains: వరుణ బీభత్సం.. ఏకంగా 200% అధిక వర్షపాతం నమోదు.. ఎక్కడంటే..?
ABN, First Publish Date - 2023-07-12T11:30:33+05:30
భారీ వర్షాలతో హిమాచల్‌ప్రదేశ్‌ (Himachal Pradesh Rains) అతలాకుతలం అవుతోంది. జూలైలోని మొదటి 10 రోజుల్లో ఏకంగా 200 శాతం అధిక వర్షపాతం (rainfall) నమోదైదంటేనే పరిస్థితులు ఎలా ఉన్నాయో అర్థం చేసుకోవచ్చు. హిమాచల్‌ప్రదేశ్‌లో జూలై 1 నుంచి 11 మధ్య 249.6 మిల్లీ మీటర్ల వర్షపాతం నమోదైంది. ఇక్కడ సాధారణ వర్షపాతం 76.6 మిల్లీ మీటర్లుగా ఉంటుంది.
భారీ వర్షాలతో హిమాచల్‌ప్రదేశ్‌ (Himachal Pradesh Rains) అతలాకుతలం అవుతోంది. జూలైలోని మొదటి 10 రోజుల్లో ఏకంగా 200 శాతం అధిక వర్షపాతం (rainfall) నమోదైదంటేనే పరిస్థితులు ఎలా ఉన్నాయో అర్థం చేసుకోవచ్చు. హిమాచల్‌ప్రదేశ్‌లో జూలై 1 నుంచి 11 మధ్య 249.6 మిల్లీ మీటర్ల వర్షపాతం నమోదైంది. ఇక్కడ సాధారణ వర్షపాతం 76.6 మిల్లీ మీటర్లుగా ఉంటుంది. దీంతో సాధారణం కన్నా 226 శాతం అధిక వర్షపాతం నమోదైందని వాతావరణ శాఖ తెలిపింది. వాతావరణ శాఖ తెలిపిన వివరాల ప్రకారం అత్యధికంగా కిన్నౌర్ జిల్లాలో 500 శాతం వర్షపాతం నమోదైంది. ఆ తర్వాత సోలన్‌లో 426 శాతం, సిర్మౌర్‌లో 367 శాతం, సిమ్లాలో 360 శాతం, బిలాస్‌పూర్‌లో 325 శాతం, కులులో 283 శాతం అధిక వర్షాలు పడ్డాయి. ఇక లాహౌల్, స్పితిలో 233 శాతం, చంబాలో 220 శాతం, ఉనాలో 218 శాతం, హమీర్‌పూర్‌లో 171 శాతం, మండిలో 130 శాతం, కాంగ్రాలో 75 శాతం వర్షపాతం నమోదైంది.
వరుసగా 3 రోజులు దంచికొట్టిన వానలు మంగళవారం మాత్రం కాస్త శాంతించాయి. మంగళవారం అక్కడక్కడ తేలికపాటి వర్షాలే కురిశాయి. అలాగే ఉష్ణోగ్రతలు కూడా పెరిగాయి. ఉనా ప్రాంతంలో అత్యధికంగా 34.8 డిగ్రీల ఉష్ణోగ్రతలు నమోదయ్యాయి. గిరిజన ప్రాంతాలు, మరికొన్ని చోట్ల మినహా.. మిగతా అన్ని చోట్ల పగలు సాధారణ ఉష్ణోగ్రతలు నమోదయ్యాయి. అయితే శుక్ర, శనివారాల్లో ఉరుములు, మెరుపులతో కూడిన భారీ వర్షాలు కురిసే అవకాశాలున్నాయని స్థానిక వాతారణ శాఖ తెలిపింది. ఈ క్రమంలో ‘ఎల్లో’ అలర్ట్‌ను కూడా జారీ చేసింది. నేటి నుంచి 17 వరకు హిమాచల్‌ప్రదేశ్‌లో చాలా చోట్ల తేలికపాటి నుంచి మోస్తారు వర్షాలు కురిసే అవకాశాలున్నాయని వాతావరణ శాఖ పేర్కొంది.
Updated Date - 2023-07-12T11:30:33+05:30 IST