Karnataka: కర్ణాటక కాంగ్రెస్ వర్కింగ్ ప్రెసిడెంట్ ధ్రువనారాయణ్‌కు గుండెపోటు
ABN, First Publish Date - 2023-03-11T10:50:53+05:30
కర్ణాటక కాంగ్రెస్ పార్టీ వర్కింగ్ ప్రెసిడెంట్ ధ్రువనారాయణ్ కు శనివారం గుండెపోటుతో...
మైసూర్ (కర్ణాటక): కర్ణాటక కాంగ్రెస్ పార్టీ వర్కింగ్ ప్రెసిడెంట్ ధ్రువనారాయణ్ కు శనివారం గుండెపోటుతో కన్నుమూశారు.(Congress working president Dhruvanarayan)మైసూర్ నగరంలోని తన ఇంట్లో ఉన్న ధ్రువనారాయణ్ కు ఉదయం తీవ్రమైన గుండెపోటు వచ్చింది. ఛాతీ నొప్పితో బాధపడుతున్న ధ్రువనారాయణ్ ను అతని డ్రైవర్ కారులో ఆసుపత్రికి తీసుకువచ్చినా అప్పటికే మరణించారని డీఆర్ఎంఎస్ ఆసుపత్రి డాక్టర్ మంజునాథ్ చెప్పారు. ధ్రువనారాయణ్ సీనియర్ కాంగ్రెస్ లీడర్, మాజీ ఎంపీ, ప్రస్థుత కేపీసీసీ వర్కింగ్ ప్రెసిడెంట్.ధ్రువనారాయణ్ మృతి కాంగ్రెస్ పార్టీకి తీరని లోటని కర్ణాటక(Karnataka) కాంగ్రెస్ పార్టీ నేతలు సంతాపం తెలిపారు.
ఇది కూడా చదవండి : Dog Saves Owner: యజమానిని పాము కాటు నుంచి కాపాడిన శునకం
ధ్రువనారాయణ్ మృతితో తాను షాక్ కు గురయ్యానని, ఆయన మృతి పట్ల ప్రగాఢ సంతాపాన్నీ తెలుపుతూ మాజీ ముఖ్యమంత్రి సిద్ధరామయ్య(Congress leader Siddaramaiah) ట్వీట్ చేశారు.క్రమశిక్షణ గల కాంగ్రెస్ సైనికుడు ధ్రువనారాయణ్ అని కాంగ్రెస్ నేత రణదీప్ సింగ్ సూర్జెవాలా ట్వీట్ చేశారు. సంతాపం ప్రకటించిన వారిలో కాంగ్రెస్ నేతలు డీకే శివకుమార్(Congress leader DK Shivakumar ), కాంగ్రెస్ నేతలున్నారు. శివకుమార్ ప్రజాధ్వని యాత్రను రద్దు చేసుకొని ధ్రువనారాయణ్ అంత్యక్రియల్లో పాల్గొనేందుకు మైసూర్ వచ్చారు.
Updated Date - 2023-03-11T10:50:53+05:30 IST