Viral video: ఏడుగురు పిల్లలతో స్కూటర్ రైడింగ్.. వీడియో వైరల్
ABN, First Publish Date - 2023-06-27T17:13:36+05:30
మహారాష్ట్ర రాజధాని ముంబై (Mumbai) నగరానికి చెందిన ఓ వ్యక్తి తన స్కూటర్‌పై ఏకంగా ఏడుగురు పిల్లలను ఎక్కించుకొని రైడింగ్ చేస్తున్నాడు.
ముంబై: మహారాష్ట్ర రాజధాని ముంబై (Mumbai) నగరానికి చెందిన ఓ వ్యక్తి తన స్కూటర్‌పై ఏకంగా ఏడుగురు పిల్లలను ఎక్కించుకొని రైడింగ్ చేస్తున్నాడు. ముంబై వాసి ట్రాఫిక్ నిబంధనలు పాటించకుండా స్కూటీపై ఏడుగురు పిల్లలను ఎక్కించుకొని పాఠశాలలో వదిలిపెట్టేందుకు బయర్దేరాడు. ఓ వ్యక్తి వీడియో తీసి పోలీసులకు ట్యాగ్ చేస్తూ ట్విట్టర్‌లో పోస్టు చేశాడు. ఈ వీడియో వైరల్ (Viral video) కావడంతో విచారణ ప్రారంభించిన పోలీసులు స్కూటీ రైడింగ్ చేసిన వ్యక్తిని అరెస్ట్ చేశారు.
ఈ వ్యక్తి కొబ్బరిబొండాల వ్యాపారం చేస్తున్న మునవ్వర్ షాగా పోలీసులు గుర్తించారు. మునవ్వర్ షా తన స్కూటర్ మీద ఇద్దరు పిల్లలు ముందు నిలబడి ఉండగా, మరో ముగ్గురు
స్కూటీ సెఫ్టీ స్టీల్ పైపుపైకి ఎక్కి రైడ్ చేస్తూ, మరో ఇద్దరు వాహనం క్రాష్ గార్డుపై నిలబడి ఉన్నారు. వీడియోలో కనిపిస్తున్న ఏడుగురిలో నలుగురు మునవ్వర్ షా (Munavvar Shah) పిల్లలు కాగా, మిగిలిన వారు పొరుగువారి పిల్లలుగా పోలీసులు గుర్తించారు.
Updated Date - 2023-06-27T17:16:45+05:30 IST