Narendra Modi మోదీకి జై, భారత్మాతాకీ జై అంటూ...
ABN, First Publish Date - 2023-04-30T08:52:10+05:30
జయజయ, మోదీకి జై, భారతమాతాకీ జై అనే నినాదాలతో ర్యాలీ హోరెత్తింది
బెంగళూరు, (ఆంధ్రజ్యోతి): ప్రధాని నరేంద్ర మోదీ(Narendra Modi) ఎన్నికల ప్రచారంలో భాగంగా శనివారం రాత్రి రాజధాని బెంగళూరు నగరంలో భారీ రోడ్‌షో నిర్వహంచారు. నైస్‌ రోడ్‌ జంక్షన్‌ నుంచి ప్రారంభమైన ర్యాలీ సుమనహళ్లి జంక్షన్‌ వరకు జయజయ, మోదీకి జై, భారతమాతాకీ జై నినాదాలతో హోరెత్తింది. రోడ్‌షో(Roadshow)లో ఆయన మాట్లాడుతూ డబుల్‌ ఇంజన్‌ ప్రభుత్వాలతో రాష్ట్ర ప్రగతి పరుగులు పెడుతుందన్నారు. తాను అభివృద్ధి గురించి మాట్లాడుతుంటే కాంగ్రెస్‌ తనపై తిట్ల పురాణం ప్రారంభించిందని మండిపడ్డారు. రాజధాని బెంగళూరు నగరాన్ని అన్ని రంగాల్లో అగ్రగామిగా నిలబెట్టడానికి పూర్తి సహాయసహకారాలు అందిస్తామన్నారు. బీజేపీకి సంపూర్ణ మెజారీటి ఇచ్చి అభివృద్ధి ఫలాలు ఆస్వాదించాలని పిలుపునిచ్చారు. రోడ్డు కిరువైపులా పెద్ద సంఖ్యలో చేరిన ప్రజలకు ప్రధాని అభివాదం చేస్తూ రోడ్‌ షో సాగింది. మాజీ సీఎం డీవీ సదానందగౌడ, రాష్ట్ర ఎస్పీ మోర్చా అధ్యక్షుడు చలువాది నారాయణ స్వామి రోడ్‌షోలో పాల్గొన్నారు.
Updated Date - 2023-04-30T08:52:10+05:30 IST