Rajinikanth: ఒకరు మాజీసీఎం.. మరొకరు సూపర్‌స్టార్‌.. ఇద్దరూ కలిసి దాదాపు గంటపాటు...
ABN, First Publish Date - 2023-09-03T08:55:04+05:30
సూపర్‌స్టార్‌ రజనీకాంత్‌(Superstar Rajinikanth)తో అన్నాడీఎంకే బహిష్కృత నేత, మాజీ ముఖ్యమంత్రి ఒ.పన్నీర్‌సెల్వం (Former Chief Minister O. Panneerselvam)
అడయార్‌(చెన్నై): సూపర్‌స్టార్‌ రజనీకాంత్‌(Superstar Rajinikanth)తో అన్నాడీఎంకే బహిష్కృత నేత, మాజీ ముఖ్యమంత్రి ఒ.పన్నీర్‌సెల్వం (Former Chief Minister O. Panneerselvam) శనివారం భేటీ అయ్యారు. స్థానిక పోయెస్‌ గార్డెన్‌లో ఉన్న రజనీ నివాసానికి వెళ్లిన ఓపీఎస్‌.. ‘జైలర్‌’ చిత్ర సక్సెస్ను పురస్కరించుకుని ప్రత్యేకంగా అభినందించారు. ఆ తర్వాత వీరిద్దరూ సుమారుగా గంటపాటు వివిధ అంశాలపై చర్చించారు. ముఖ్యంగా ప్రస్తుత రాజకీయ పరిస్థితులపై వారిద్దరూ చర్చించుకున్నట్లు సమాచారం. ఓపీఎస్‌(OPS) కొత్తగా పార్టీ స్థాపించబోతున్నట్లు ప్రచారం జరుగుతున్న నేపథ్యంలో.. ఆయన రజనీతో భేటీ కావడం చర్చనీయాంశమైంది.
జమిలి ఎన్నికలు మంచివే...
జమిలి ఎన్నికలు దేశానికి మంచిదేనని ఓపీఎస్‌ వ్యాఖ్యానించారు. శనివారం ఆయన విలేకరులతో మాట్లాడుతూ... ఈ ఎన్నికలు నిర్వహించాలంటే రాజ్యాంగంలో ఐదు చట్టాలకు సవరించాల్సి ఉంటుందన్నారు. ప్రజల సంక్షేమం, దేశాభివృద్ధి కోసం జమిలి ఎన్నిక మంచిదేనని, పదేళ్లుగా దీని గురించి ప్రచారం జరుగుతున్నా.. ఇప్పటి వరకూ కార్యరూపం దాల్చలేదన్నారు. ఇప్పటికైనా ఆ ఎన్నిక అమల్లోకి కి వస్తే మంచిదేనని పేర్కొన్నారు.
Updated Date - 2023-09-03T08:55:06+05:30 IST