బెంగళూరు నుంచి నరసాపురానికి నేడు ప్రత్యేక రైలు..
ABN, First Publish Date - 2023-03-03T10:06:03+05:30
బెంగళూరులోని మోక్షగుండం విశ్వేశ్వరయ్య రైల్వే టర్మినల్‌ నుంచి శుక్రవారం ప్రత్యేక రైలు నరసాపురంకు బయల్దేరి వెళ్ళనుంది.
బెంగళూరు, (ఆంధ్రజ్యోతి): బెంగళూరులోని మోక్షగుండం విశ్వేశ్వరయ్య రైల్వే టర్మినల్‌ నుంచి శుక్రవారం ప్రత్యేక రైలు నరసాపురంకు బయల్దేరి వెళ్ళనుంది. ఈ మేరకు నైరుతి రైల్వే నగరంలో గురువారం ఒక ప్రకటన విడుదల చేసింది. 06521 రైలు ఎస్‌ఎంవీటీ నుంచి ఉదయం 11.20కు బయల్దేరి మరుసటి రోజు ఉదయం 6-30 గంటలకు నరసాపురం చేరుకుంటుంది. తిరుగు ప్రయాణంలో ఈ రైలు నరసాపురంలో 06522 నెంబరు రైలు ఉదయం 3-40 గంటలకు బయల్దేరి మరుటి రోజు ఉదయం 10-30కు ఎస్‌ఎంవీటీ చేరుకుంటుంది. ఈ రైలుకు యలహంక, హిందూపురం, ధర్మవరం, అనంతపురం, గుత్తి, డోన్‌, నంద్యాల, గిద్దలూరు, కంభం, మార్కాపూర్‌ రో డ్‌, వినుకొండ, నరసారావుపేట,, గుంటూరు జంక్షన్‌, విజయవాడ జంక్షన్‌, గుడివాడ, కైకలూరు, ఆకివీడు, భీమవరం, పాలకొల్లు స్టేషన్లలో ఆగుతుందని ప్రయాణీకులు ఈ అవకాశాన్ని సద్వినియోగం చేసుకోవాలని ప్రకటనలో కోరారు.
Updated Date - 2023-03-03T10:06:03+05:30 IST